Претходно
8 мантри кои ќе ви помогнат да го отворите умот и да престанете да им судите на другите
Можеби една од најважните работи кои ќе ги научите е да се откажете од потребата да им судите на другите. Овие мантри, или совети ќе ви помогнат да го направите тоа. Иако понекогаш повторно ќе се најдете во ситуација да судите некому, бидејќи таква ни е природата, сепак ќе бидете посреќни и подобри.
1. Секој има своја приказна
Секој поминал низ тешки периоди во животот и речиси секогаш има причина за однесувањето на луѓето. Секој има своја приказна, и ако вие сте го доживеале истото што и личноста на која ѝ судите, можеби и вие би се однесувале исто.
2. Кога не се согласувате со некого, погледнете од негова перспектива
Секогаш постои причина зошто луѓето веруваат во нешто. Кога ќе сретнете некој со перспектива различна од вашата, тоа ви дава можност да „влезете“ во неговата глава. Обидете се барем на момент да ја разберете туѓата гледна точка. Најлошото нешто што може да се случи е да ја разберете личноста и нејзиното однесување. Во најдобар случај, можеби ќе научите нешто и ќе ги проширите вашите погледи.
3. Обидете се да го гледате доброто во другите
Ако пронајдете негативна особина кај некого, веднаш заменете ја со некоја позитивна одлика на таа личност. Не мора да се согласувате со неа, туку едноставно ќе се фокусирате на друг дел од самата личност што ќе ви помогне да ја согледате добрината во неа.
4. Бидете присутни
Не му дозволувајте на вашиот ум да си измисли приказна за некого. Фокусирајте се на сегашниот момент. Ова ќе ви го олесни наоѓањето заеднички работи и ќе почнете да ја третирате личноста со почит.
5. Постојат многу патишта кон среќата и исполнетиот живот
Само затоа што некој не е на истиот пат како и вие, не значи дека е изгубен. Секој од нас е различен и има разни вредности. Тоа што некој одбрал пат различен од вашиот ќе ви овозможи да ја славите вашата уникатност.
6. Не правете никој да се чувствува лошо откако ќе ве запознае
Најлесниот начин да направите некој да се чувствува лошо е да му судите. Наместо тоа, отворете го вашиот ум и секој човек чиј пат ќе се вкрсти со вашиот ќе се чувствува подобро.
7. Луѓето кои ги паметите се луѓето кои ве сакале во вашето најлошо издание
Запомнете го ова и вратете ја услугата. Постојат периоди во животот кога стресот ќе ве надвладее и нема да бидете добри кон секого. Најсилните врски се создаваат кога луѓето ве сакале и ве почитувале дури и кога не сте биле баш најдобри.
8. Не заборавајте да бидете добри кон луѓето околу вас, особено кон вашето семејство
Понекогаш може ќе заглавите во некоја рутина и нема да размислувате како ги третирате саканите. Но, тие се најважните врски во вашиот живот, па потрудете се барем ним да им покажете љубов.
Погледнете и кои работи треба да престанете да си ги кажувате за другите луѓе.
