Претходно
7 работи за кои ќе жалите по 7 години
Понекогаш не можеме да ги разбереме последиците од работите кои ги правиме во животот. Но, едно е сигурно: сите сакаме да ги одбегнеме нештата кои подоцна ќе бидат извор на каење и неподносливо гризење на совеста. Затоа, доколку се двоумите, погледнете кои се 7-те работи за кои веројатно подоцна ќе зажалите. 
1. Потценување на заштитните креми за сонце
Нанесувањето на ваквите креми знае да биде жива досада: потешко се нанесуваат, мрсни се, лепливи, а и чинат мало богатство. Поради овие причини многумина решаваат целосно да заборават на нив, не сфаќајќи дека тоа би можело да има сериозни последици како предвремено стареење, па дури и рак на кожа. Затоа, убаво размислете и нека ова не биде нешто за кое ќе жалите по 7 години.
2. Пушење цигари
Пушењето лесно може да премине во несакана навика. Можеби на почетокот ќе ви се чини дека не е толку опасно, но вистината е сосема поинаква. И ова може да доведе до предвремено стареење и значително да влијае врз вашето целокупно здравје и изглед.
3. Уништување на професионалните контакти
Кога влегувате во професионалниот свет, не придавате важност на контактите кои ги стекнувате во моментот. При напуштањето на работата, не размислувате, реагирате луто и импулсивно и засекогаш се збогувате со одредени личности, кои можеби би ви помогнале во идните работни ангажмани. Затоа, реагирајте паметно и не дозволувајте да ги уништите и онака малите шанси за напредок и помош.
4. Премногу забава
Ова им се случува на сите млади, барем во одреден период. За среќа, многумина не продолжуваат со ваквиот начин на живот бидејќи сфаќаат колку лошо влијае врз нив. Пиењето алкохол и дрогата несомнено ќе остават негативни траги врз вашето здравје и изглед, а може да се одразат и врз личните врски и работата.
5. Немање конкретни цели
Пoнекогаш луѓето запаѓаат во некоја неодредена состојба, каде само преживуваат, а не живеат. Во таквите моменти, не размислуваат за иднината, немаат цели и како постојано да стојат во место. Затоа, не дозволувајте и вие да бидете едни од нив. Почнете со градење на конкретни цели во личниот и професионалниот живот. Ваквата одлука подоцна значително ќе ви го намали степенот на каење.
6. Нездрава исхрана
Нездравата исхрана е огромно искушение. Верувајте дека за 7 години и тоа како ќе зажалите за оваа навика. Не само што килограмите полека ќе се зголемуваат, туку и тенот и кожата ќе претрпат негативни промени. Затоа, покажете малку карактер и постепено трудете се да применувате здрав начин на исхрана.
7. Немање време за уживање во секој момент од животот
Ова можеби претставува и најголемиот извор на подоцнежното каење. Честопати, луѓето се толку зафатени и живеат под стрес, што забораваат да уживаат во сите прекрасни моменти што ги носи животот. Доколку живеете, а не уживате, еден ден ќе посакате да се вратите назад, но ќе биде предоцна. Затоа, не дозволувајте да дојде до тоа и дадете сѐ од себе за да уживате во авантурата наречена живот!
Ova poslednovo e najubavo! Bravo za avtorot, srcka e 😀