Претходно
7 нешта што ги прават успешните луѓе, но не и вие
Дали некогаш сте се запрашале што е тоа што го прават успешните луѓе, но не и вие? Овие луѓе имаат стриктно однесување и навики кои повеќето луѓе ги немаат. Можеби правите некои од работите на листава, но малкумина прават сè. Не значи дека не можете да успеете без овие нешта, но тие сигурно ќе ви го скратат патот до успехот.
1. Фокусирајте се на победата, прифатете го неуспехот
Успешните луѓе размислуваат за победување и на тој начин стигнуваат онаму каде што сакаат да бидат. Но со победата доаѓа и неуспехот, а ако не можете да го прифатите, не си правите добро. Ако постојано победувате, најверојатно не целите доволно високо. Штом ќе ги поставите целите повисоко, секоја одлука и секој постапка има потенцијал за две нешта – победа или неуспех. Ќе се случат и двете. Но штом ќе ги прифатите и неуспесите, ќе почнете да ги гледате како мали победи.
2. Само направете го тоа
Разликата помеѓу луѓето кои „успеваат“ и оние кои не успеваат е тоа што успешните преземале нешто. Престанале да читаат, престанале да одложуваат и само го направиле потребното нешто. Оние кои не делуваат се оние кои не гледаат никакви резултати. Па, ако одлучите да следите само еден совет од оваа листа, нека биде овој.
3. Работете секој ден
Без разлика дали е одмор, роденден или празник, успешните луѓе секогаш работат нешто, а истото треба да го правите и вие. Се разбира потребно е време за одмор и релаксација, но секој ден правете по нешто. Без разлика дали е ова одговарање на пораките или објавување нешто на Интернет, само правете. Не мора да биде големо, но сигурно ќе го задржите континуитетот.
4. Опкружете се со корисни луѓе
Сигурно веќе сте ја слушнале изреката дека вие сте просекот од 5-те луѓе со кои се дружите најмногу. Победниците ги забележуваат нештата кај луѓето што сакаат да ги имаат (вештина, начин на размислување и слично) па даваат сè од себе за да се поврзат и да се опкружат со луѓе кои ќе имаат позитивно влијание на нив. Се разбира, потребно е и вие да додадете вредност на туѓите животи, во спротивно ќе бидете себични. Отстранете ги токсичните луѓе и бидете само со оние кои ќе ве туркаат напред.
5. Научете да кажувате „Не“
Успешните луѓе не стигнале дотаму прифаќајќи сè што се побарало од нив. Успешните луѓе се зафатени, но се зафатени со правилните работи. Секој може да биде зафатен, но ако не правите ништо за вашите цели или за вас, тогаш која е смислата на тоа? Научете да кажете „Не“, одвојте време за вас и работете на она што навистина ќе направи разлика во вашиот живот.
6. Однапред планирајте си го денот
Ако се чувствувате како да не сработувате доволно, најверојатно причината е тоа што немате добар план. Направете си листа со работите што треба да ги завршите следниот ден. Ова е многу поефективно отколку да мислите што треба да направите во секој момент.
7. Научете да се смеете на сè
Немојте постојано да бидете сериозни. Научете да се смеете на вашите неуспеси за да го надминете срамот. Ова однесување им било до помош на многу изумители. Волт Дизни и Алберт Ајнштајн се соочувале со потсмев кога разговарале за нивните амбиции. Не успеале и сите им се смееле, но се смееле и тие и се обиделе повторно. Во ред е да доживеете неуспех. Престанете да мислите што велат другите кога нема да успеете и обидете се повторно. Кога ќе бидете на врвот повеќе нема да ви се смеат.
Како и со секоја навика, лоша или добра, потребно е да ја повторувате секојдневно за да стане дел од вашата дневна рутина. Штом ќе ги вметнете овие навики во секојдневниот живот, повеќе нема да ви изгледаат комплицирано. Тие ќе бидат дел од вас, а вие ќе бидете на пат кон вашата цел.
Знаете ли зошто емоционалната интелигенција е клучна за вашиот успех?
