Претходно
7 грешки во негата на кожата што може да ви создадат акни
Можеби мислите дека правите сè што треба за вашата кожа, но акните сепак нема да исчезнат. Во продолжение прочитајте кои грешки во негата на кожата може да ги саботираат вашите напори за здрава и чиста кожа.
1. Користите влажни марамчиња за отстранување на шминката
Иако самите влажни марамчиња веројатно нема да предизвикаат појава на акни, тие може да остават зад себе нечистотија и остатоци од шминката што може да доведат до појава на акни. Марамчињата содржат алкохол, мириси и други состојки што може да ја исушат кожата. Ако вашата кожа е чувствителна, постои можност триењето да ја иритира и да предизвика оток и воспаление што може да ги затнат порите.
2. Користите погрешен крем за сончање
Иако е важно да ја заштитите кожата од сонцето, одредени видови кремови за сончање можат да придонесат за развој на акни. Некои кремови имаат органски филтри базирани на масло, кои можат да ја иритираат кожата и да предизвикаат појава на акни. Други кремови може да ги затнат порите и да доведат до појава на мозолчиња. Најдобар начин да ја заштитите кожата е да изберете дневен хидратантен крем што содржи заштитен фактор и секогаш да го нанесувате на чиста кожа.
3. Не ги чистите очилата
Ако често имате мозолчиња околу очилата, најверојатно не ги чистите рамките. Лекарите препорачуваат да ги идентификувате проблематичните области каде што се појавуваат акни, како мостот на носот и да го чистите тој дел од вашите рамки еднаш дневно. Очилата може да бидат премногу затегнати и може да ги затнат порите со туркање на мртвите клетки на кожата назад во порите. Подесувањето на вашите очила може да помогне да се спречи затнувањето на порите.
4. Го миете лицето премногу често
Чистењето на кожата е суштински чекор во борбата и во спречувањето на акните, но прекумерното миење може да го направи токму спротивното. Дерматолозите веруваат дека претераното чистење на кожата може да ја наруши рамнотежата. Користењето премногу производи создадени за да го отстранат вишокот маснотии може да ја исушат вашата кожа и да предизвикаат вашите масни жлезди да произведуваат повеќе масло и повеќе акни.
5. Користите премногу производи за коса
Некои производи за нега на косата може да ви создадат акни. Шампоните, балсамите и производите за стилизирање на косата може да предизвикаат појава на различни видови акни долж линијата на косата и на челото. Ако овие производи дојдат во контакт со лицето, тие може да ги затнат порите и да ја иритираат кожата.
6. Миење на лицето под туш
Кога се тушираат, луѓето обично користат вода што е премногу топла за кожата. Топлата вода ја иритира вашата кожа и може да ја оштети бариерата на кожата. Исто така, може да ги измие природните масла на кожата оставајќи ја сува и иритирана.
7. Не го чистите лицето по тренингот
Прескокнувањето на туширањето по вежбањето може да предизвика појава на акни. Бактериите што се залепиле на вашата кожа од потењето може да ги затнат порите и да доведат до појава на акни. Дерматолозите препорачуваат да се истуширате веднаш по тренингот за да ги отстраните потта, мрснотиите и нечистотија што може да се соберат.
Погледнете кои 7 намирници ги намалуваат лузните од акни.
