Претходно
7 едноставни начини да му го разубавите денот на вашиот сопруг
Дали сакате да додадете барем малку радост во денот на вашиот сакан? Без разлика дали чувствувате дека има потреба од расположување, или пак едноставно сакате да му покажете повеќе љубов, овие едноставни гестови речиси сигурно ќе го направат неговиот ден прекрасен.
1. Покажете интерес
Прашајте го како го поминал денот, за неговите проекти или пак, за книгата што ја чита. Потоа внимателно слушајте што има да ви каже. Вклучувањето во активностите кои тој ги сака е одличен начин да му искажете љубов, a може дури и вам ќе ви биде интересно. Тој ќе биде среќен да ги сподели своите интереси со сопругата.
2. Најдете начин да му помогнете
Дали има некоја работа дома што тој постојано ја прави? Епа овој пат направете ја вие! Дали забележавте дека горивото во автомобилот е при крај? Наполнете го. Дали се чувствува лошо после стресниот ден на работа? Понудете му масажа. Постојат безброј начини на кои можете да му помогнете на вашиот сопруг.
3. Покажете му љубов
Кога ќе се разбудите, прегрнете го и кажете му дека го сакате уште пред да станете од креветот. Кога се разделувате наутро, бакнете го со повеќе страст од вообичаено. Пратете му некоја флертувачка порака во текот на денот. Тој ќе биде позитивно изненаден од сите овие постапки.
4. Испратете му интересна шега или видео
Смеата е одличен начин да му го разубавите денот на вашиот сопруг. Пратете му нешто мало, како смешно видео или фотографија што ќе го расположи. Вие ќе му подарите краток момент на смеа во текот на напорниот ден на работа, и ќе го потсетите дека мислите на него.
5. Испланирајте нешто забавно за вечерва
Дури и ако не е викенд, направете нешто што вашиот сопруг би го сакал. Без разлика дали станува збор за прошетка или одење на кино, тој ќе ужива во малата промена од здодевното секојдневие.
6. Подарете му нешто без повод
Не мора да потрошите богатство за подарокот. Овие гестови се позначајни ако имаат некоја сентиментална вредност наместо висока цена. Можете и сами да направите некој мал подарок, а тој сигурно ќе се чувствува посебно.
7. Почнете му го утрото позитивно
Пред да се разделите наутро, кажете му колку го сакате и колку сте благодарни за сè што прави за вас. Направете појадок, или пак станете порано и појадувајте надвор. Кога ќе му го разубавите утрото, сигурно целиот ден ќе му биде прекрасен.
Се разбира, овие гестови треба да се применуваат и од двете страни. Секоја жена ќе ги цени обидите на нејзиниот сопруг да ја направи посреќна. Силниот и бракот исполнет со љубов вклучува работење од двете страни. Па, обидувајте секој ден да внесете барем малку среќа во животот на вашиот партнер.
Погледнете и која е тајната за успешен брак.
