Претходно
6 знаци дека наскоро ќе ја сретнете љубовта на вашиот живот (според законот за привлекување)
Љубовта никогаш не се планира, таа едноставно се случува и речиси никогаш не знаеме дали е вистинска или е минлива. Кога ќе ја пронајдете вистинската љубов, вашиот живот може целосно да се промени, а вие треба да бидете подготвени за таа трансформација.
Но, како да знаете дека конечно ќе ја пронајдете вистинската љубов? Законот за привлекување ви дава неколку знаци, па погледнете кои се тие.
1. Знаете што сакате
Ова не мора да значи дека имате целосна слика за совршениот партнер, туку знаете дека некои работи не може да ги очекувате. На пример бојата на коса, височината и слично. Но, знаете кои се важните вредности кои треба да ги делите. Не си ги намалувате шансите барајќи некој што совршено одговара на вашата замисла. Вие имате концепт за тоа кои работи ви се важни и знаете што барате.
2. Станувате подобра личност
Не можете да љубите ако не сте подготвени да давате љубов, а не можете да давате љубов ако не се сакате себеси. Кога самите се љубите и работите на себе и својот развој, вие станувате подобра личност, а истото се случува и со вашата љубов. Кога и двајцата ќе бидете подготвени, универзумот ќе направи „заговор“ за да ве спои.
3. Често имате романтични соништа
Многу двојки кои се сретнале откако работеле со законот за привлекување имале многу живи соништа пред првата средба. Некои од нив дури и го сонувале идниот партнер. Соништата лесно се забораваат и можеби нема да ги паметите деталите, но ќе бидете среќни во текот на денот. Ќе се чувствувате полни со енергија, а љубовта ќе го крене вашиот дух.
4. Полни сте со енергија
Дали чувствувате дека сте полни со љубов и со енергија? Можеби се наближува средбата со љубовта на вашиот живот. Кога сте заедно со вистинскиот партнер, потребна ви е енергија, а универзумот ве подготвува за тоа. Ако не го чувствувате ова, можеби сè уште не сте подготвени.
5. Љубовта ве следи каде и да одите
Ако романсата ве следи каде и да одите, веројатно љубовта се подготвува да затропа и на вашата врата. Постојано ќе гледате вљубени парови кои се држат за рака и романтични филмски сцени, а љубовта ќе можете да ја почувствувате дури и во воздухот – сето ова ќе се случува пред да го запознаете вистинскиот.
6. Ја знаете целта на вашиот живот
Малку луѓе веруваат во ова, и малку луѓе ја наоѓаат својата цел без тешкотии. Но штом ќе ја одредите вашата цел и ќе почнете да се насочувате кон неа, љубовта ќе се појави. Кога вашата животна цел не постои, вие сте исполнети со празнина, а таа празнина привлекува луѓе и чувства кои се со истото, ниско ниво на вибрација. Штом ќе ја одредите целта и ќе се исполните со страст, ќе привлечете некој што се наоѓа на истата фреквенција, некој со вашето ниво на страст. Ќе сретнете некој со кој ќе можете да ги споделувате вашите соништа и вашата животна цел.
Погледнете ги и разликите помеѓу вистинската љубов и заљубеноста.
