Претходно
6 вежби со кои ќе имате тело од соништата
Вежбањето го забрзува метаболизмот и ќе ви помогне многу ако се обидувате да ослабите. Сепак, не сите вежби имаат ист ефект врз слабеењето. Најважно е прво да си поставите цел што сакате да ја постигнете и соодветно да изберете вежби што ќе ве испотат и ќе ви го забрзаат срцевиот ритам.
Јаже за скокање
Скокањето на јаже е одличен тренинг што ќе ви овозможи да согорите калории и да го забрзате пулсот, но исто така влијае позитивно на мускулите на целото тело. Ова е забавна активност што можете да ја правите секој ден и е исклучително корисна за организмот. Правете ја оваа вежба 3-5 минути ако сте почетник и со текот на времето зголемете ги интензитетот и времето.
Планк
Оваа вежба е одлична за целото тело бидејќи согорувате многу калории. Со оваа статичка вежба се активираат сите мускули во телото, а најважно е да ја изведувате правилно, па резултатите ќе бидат загарантирани.
Скок и клекни-стани
Со оваа вежба ќе согорите многу калории – всушност, колку повеќе скокате, толку повеќе калории согорувате. Постапката е прилично едноставна: застанете со нозете раширени во ширина на колковите или малку пошироко, гледајте право напред, свиткајте ги колковите и колената и клекнете под агол од околу 45 степени. Потоа замавнете со рацете и скокнете колку што е можно повисоко.
Бурпи
Оваа вежба го активира целото тело и е физички тешка бидејќи се состои од неколку последователни движења без пауза. Овие движења се: клекнување, склек, враќање назад и скокање.
Високи колена (висок скок)
Високиот скок е кардио вежба која ќе ги зајакне вашите мускули и зглобови и ќе ги загрее подобро за понатамошниот тренинг.
Склекови
Добро позната стара вежба, но исклучително ефикасна бидејќи помага да се изгради мускулна маса. На почетокот обидете се да ги правите склековите со бавно темпо, а најважно е да ги правите правилно.
Погледнете ги овие ефективни вежби за долниот дел на стомакот.
