Претходно
6 совети за опуштање на преоптоварениот ум!
Постојано се чувствувате под стрес поради секојдневните обврски? Прекумерната работа и роковите ве исцрпуваат, но сепак не знаете како да воспоставите рамнотежа меѓу приватниот и професионалниот живот?
Во продолжение прочитајте за ефектите од прекумерната работа врз мозокот и вашето ментално здравје:
1. Намалена продуктивност и креативност
Постојаното работење без паузирање доведува до физичка и психичка исцрпеност што на крајот резултира со намалена енергија и намалена способност за фокусирање. Ова може да го отежне и ефективното извршување на задачите и да ја намали вашата севкупна продуктивност.
2. Зголемена анксиозност и стрес
Прекумерната работа може да го исцрпи вашиот мозок, предизвикувајќи стрес и грижи. И колку повеќе продолжувате да го правите ова, толку повеќе вашата анксиозност расте со текот на времето.
3. Ослабен имунолошки систем
Ова е еден од главните симптоми на прекумерна работа. Хроничниот стрес и прекумерната работа може да го нарушат вашиот имунолошки систем и да влијаат на неговата способност да се бори против разноразните болести. Кога сте под стрес, вашето тело ослободува хормони како кортизол и адреналин, кои можат да го потиснат имунолошкиот систем. Ова може да ве направи поподложни на инфекции и болести.
4. Депресија и исцрпеност
Кога работите долги часови и не водите грижа за себе, за кратко време можете да почувствувате исцрпеност и истоштеност. Ова може да доведе до чувство на безнадежност, безвредност, тага, физичка и емоционална исцрпеност, депресија.
5. Намалена способност за концентрирање и донесување одлуки
Интензивната работа може да го попречи нивото на концентрација, што доведува до одредени симптоми на преоптоварување на мозокот како деменција и тешкотии во донесувањето одлуки.
6 работи што можете да ги направите за да го опуштите преоптоварениот ум
1. Погрижете се да вежбате секој ден, дури и да е половина час.
Вежбањето може да биде многу ефикасен начин за опуштање ако чувствувате дека вашиот ум е преоптоварен. Освен тоа, истражувањата покажале дека вежбањето може значително да го намали стресот.
2. Вежбајте медитација секој ден.
Медитацијата е проверена формула за справување со знаците на прекумерна работа, како што се стресот и анксиозноста. Станува збор за едноставен, но ефикасен начин да го смирите вашиот преоптоварен ум. Не само тоа, таа ќе ви помогне и да се справите со предизвиците со поголема јасност и одлучност. Можете да вежбате медитација 10-15 минути дневно пред спиење за да ја намалите несоницата и заморот. Треба само да се опуштите, да седите исправено, да ги затворите очите и да вдишете длабоко.
3. Паузирајте и вдишете длабоко секогаш кога ќе се чувствувате под стрес.
Длабокото дишење е еден од најефикасните начини за смирување на нервниот систем и умот под стрес. Според научниците, длабокото дишење ви помага да ги опуштите умот и телото и да ги намалите стресот и анксиозноста. Исто така, тоа може да помогне и во управувањето со негативните емоции и мисли.
4. Запишете ги вашите мисли на хартија.
Честопати не ги споделуваме нашите мисли со некого затоа што се плашиме да не бидеме осудувани. Затоа, запишувањето на мислите во дневник или на парче хартија е многу добар и ефикасен начин да ги исфрлите вашите емоции и чувства.
5. Разговарајте со некого.
Ако имате пријатели или блиски луѓе на кои можете да се потпрете, секогаш можете да им се обратите. Разговорот со нив може да ви помогне да стекнете поинаква перспектива; а тоа, пак, да ги ублажи стресот, анксиозноста и преостанатиот емоционален багаж.
6. Спијте 7-9 часа секоја вечер за да се чувствувате полни со енергија и одморени.
Еден од значајните негативни ефекти од прекумерната работа е заморот. Колку и да се трудите, не можете да спиете доволно во таква ситуација. Знаеме дека не е лесно да се одржува здрав распоред за спиење во овој свет со брзо темпо, особено кога се соочувате со постојан стрес и анксиозност. Како и да е, треба да спиете 7-8 часа секоја вечер за да го опуштите мозокот. Вашиот мозок останува активен кога спиете, но преку спиењето се отстрануваат токсините што се наталожуваат во мозокот додека работите.
Откако ги прочитавте нашите совети за смирување на преоптоварениот ум, можеби ќе сакате да прочитате и како да останете позитивни доколку сте опкружени со луѓе кои ви предизвикуваат стрес.
Извор: themindsjournal.com
