Претходно
5-те афирмации кои треба секојдневно да си ги кажуваме
Луѓето се среќни кога секој нов ден го гледаат како нова шанса и кога одредена непријатна ситуација не ја доживуваат како проблем, туку како предизвик. Волјата, трудот и работата на себе се пресудни за уживањето и опуштањето во секој нов ден, без стрес, нервози и лошо расположение.
Инструкторката по јога, Џо Бет Ричардс, верува дека секој може да ја практикува оваа древна психофизичка дисциплина и дека резултатите сигурно нема да ве разочараат, со оглед на тоа дека релаксацијата, самостојниот развој и техниките за дишење ја намалуваат напнатоста и секојдневниот стрес. Во продолжение, 5-те клучни афирмации до кои треба да се придржуваме.
1. „Денешниот ден е тука со причина.“
Колку често одите некаде или правите нешто против своја волја? Денот ви поминува во досада, нервоза и стрес. Затоа, наместо да потпаднете под новите предизвици или денот да го гледате како секој друг ден, уште еден во низата, гледајте го како посебен, брилијантен и неповторлив.
2. „Подготвен/а сум на сѐ што ме чека денес.“
Не се сите денови најдобри, ниту пак ќе бидат, но потребно е да верувате дека вие сте најдобри и дека ја имате силата и мотивацијата која ви е потребна храбро и зрело да се соочите со проблемите.
3. „Денес ќе бидам благодарен/а“.
Уживањето, среќата и внатрешната благосостојба не се засновани на идејата дека имате сѐ што може да се купи со пари, туку да научите да бидете благодарни. Ако ги цените драгите луѓе, убавите моменти и животот, ќе имате помалку очекувања, а со самото тоа и помалку стрес и разочарување.
4. „Секој ден сум свесен/а колку вредам.“
Не е важно што се случило вчера, туку како постапувате и мислите денес. Доколку не дозволувате сенките од минатото да ве мачат, а учите од своите грешки и не ги доживувате трагично, тогаш ќе имате многу поголема самодоверба и поперспективна слика за себе.
5. „Денес е мој ден.“
И покрај бројните обврски и планови кои ги имате, сепак само вие сте творци на секој нов ден, а таа привилегија е нешто што не треба да се заборава. Речениците не треба да ги започнувате со „Морам да го направам тоа“ туку со „Сакам да го направам тоа.“
Инспирацијата и мотивацијата се основните двигатели на среќата и успехот. Не заборавајте да ги побарате во секој ден, прилика или момент.
