Претходно
5 совети од Кајли Џенер за совршено селфи
Мал број луѓе се сеќаваат на времето кога не постоеја селфи фотографиите. Секој од нас барем еднаш направил ваква фотографија – во автомобил, во тоалетот во омиленото кафуле или пак во нашиот дом. Постојат неколку начини на кои можете да го усовршите ваквиот вид фотографија, а ние ќе ви дадеме 5 совети од Кајли Џенер кои ќе ви помогнат во тоа.
1. Хајлајтерот е задолжителен
Доколку Кајли Џенер е по нешто позната, освен по кармините во мат нијанси, тогаш тоа е беспрекорно нанесениот хајлајтер на образите. Секако, не мора да се ограничувате само на овој дел од лицето. Вашиот омилен светкав производ можете да го нанесете и на останатите хајлајт-точки – на носот, брадата и на средината на челото.
2. Внимавајте на осветлувањето
Доколку не ви се допаѓа ниедна ваша селфи фотографија, тогаш проблемот најверојатно е во осветлувањето. Како и за секоја фотографија, така и за селфито, клучот е во природното осветлување. Наместо да се фотографирате во некој темен агол, застанете до прозорецот и чкрапнете. Од голема помош ќе ви бидат и специјалните маски за телефон со вградено светло, каква што има и Кајли.
View this post on Instagram
3. Селфи во огледало
Доколку мислите дека селфито подразбира само фотографирање на лицето, се лажете. Прифатете го советот на Кајли – кога поминувате покрај огледало и ви се допаѓа она што го носите тој ден, слободно фотографирајте се!
View this post on Instagram
4. Пронајдете ја вашата омилена поза
Порано Кајли Џенер постојано се фотографираше со раката пред уста, но повеќе не го прави тоа. Сега изгледа омилена поза на младата ријалити ѕвезда е со благо поткрената глава на страна и задолжителен продорен поглед директен во камерата. Без разлика дали ви се допаѓа оваа поза или не, пронајдете ја онаа која најмногу ви одговара вам и за која мислите дека најдобро ви прилега.
5. Бидете спонтани
Дури и ако ја пронајдете омилената поза, тоа не значи дека одвреме-навреме не треба да бидете спонтани. Фотографирајте се во профил, насмевнете ѝ се на камерата или направите нешто што вашите следбеници не го очекуваат од вас.
View this post on Instagram
Прочитајте и кога е најдоброто време да објавите фотографија на Инстаграм!
