Претходно
5 работи за кои треба да размислите пред да имате дете
Планирате да имате бебе? Би било добро да го прочитате текстот во продолжение и да ги земете предвид овие 5 работи пред да го направите првиот чекор кон проширување на вашето семејство.
Промена
Бебето ќе внесе промена во вашите животи. Таа промена ќе биде добра, но во секој случај ќе биде промена. Од начинот на исхрана до вашето спиење, животот ќе ви се промени. Веројатно нема да можете да гледате филмови и ТВ серии до доцна во ноќта ниту пак спонтано да одлучите некаде да отпатувате. Сепак, оваа промена е вредна за сите жртви кои треба да ги направите.
Енергија
Чувањето дете бара доста енергија. За бебето надворешниот свет е новина, па нему ќе му биде потребно вашето постојано внимание и грижа, барем на почетокот. Вашиот однос со партнерот можеби нема да биде толку важен во текот на првите неколку месеци по доаѓањето на новиот член на вашето семејство. Приоритетите во врска со бебето мора да бидат над сѐ.
Пари
Одгледувањето дете во здрава средина може да биде доста скапо. Од пелени до храна, сѐ е прилично скапо и дури може да го надмине вашиот моментален месечен буџет. Затоа, погрижете се да заштедите што повеќе, бидејќи кога ќе дојде бебето, тие пари ќе ви бидат и тоа како потребни.
Емоции
Ќе постанете емотивно врзани за вашето бебе. Тоа ќе ви верува безусловно, а вие ќе се чувствувате одговорни да го заштитите. Меѓутоа мора да бидете во состојба да се носите со емоциите кон вашето дете. Запаметете, премногу заштитничко однесување и непромисленост можат да имаат огромно влијание врз иднината на детето.
Врска
Најдобрата личност со која можете да имате дете е онаа која ја сакате. Затоа, бидете сигурни дека вие и вашиот партнер сте подготвени да имате дете и дека вашата врска е стабилна. Да се има бебе значи дека мора двајцата да бидете зрели и одговорни. Не смеете да се впуштате во бесмислени кавги и детски расправии. Морате да бидете поврзани и мора да се сакате така што вашето бебе ќе може да расте во средина полна со љубов и разбирање.
