Претходно
5 работи кои успешните луѓе ги прават до 8 наутро
Датум: 05 ное 2013
Коментари: 0
Денот по утрото се познава. Ако е така, тогаш потрудете се утрото да ви биде што подобро организирано и почетокот на денот да го минете со што помалку стрес. Успешните луѓе практикуваат некои правила секое утро, па доколку веќе не сте во таа група, би можеле да примените неколку нивни трикови. Ова се неколку работи кои успешните луѓе ги прават секое утро.
Вежбање
Потрудете се да вежбате секое утро. Нема правило кои вежби треба да ги правите, бидејќи важно е да сте активни. Доколку вашата работа бара од вас постојано да седите, тоа може да ви создаде низа здравствени проблеми. Затоа физичката активност е многу важна. Разбудете се барем 15 минути порано и вежбајте.
Направете распоред на обврските
Важно е наутро да направите план што и како ќе правите во текот на денот. На овој начин ќе бидете многу подобро организирани и полесно ќе ги извршувате задачите. Внимавајте само да не претерате со планирањето и не заборавајте дека сте човек кому му се потребни паузи и одмор.
Здрав појадок
Сигурно многу пати сте чуле дека појадокот е најважниот оброк во текот на денот. Затоа појадувајте нешто здраво и обезбедете енергија за работниот ден.
Визуелизација
Наутро е добро самите да го визуелизирате денот пред вас. Тоа е вештина на ментално програмирање и претставување на целите кои сакаме да ги оствариме.
Бидете одлучни и бестрашни
Најверојатно секое утро сте свесни дека дента морате да направите некои работи кои ги одлагате и кои баш и не ви се прават. Меѓутоа, секогаш е најдобро веднаш да ги направите работите кои ви се најтешки.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
