Претходно
5 причини поради кои водата ви се задржува во организмот (и како да си помогнете)
Постојат неколку причини поради кои лимфниот систем не вади течности од ткивата, но тоа не претставува сериозен здравствен проблем. Гледано долгорочно може да остави одредени последици на работата на црниот дроб, срцето, бубрегот, a во бременоста може да доведе до прееклампсија, а ги влошува и симптомите на предменструалниот синдром.
Задржувањето вода или задржувањето течности во организмот е прекумерна акумулација на течности во крвните садови, ткива или телесни шуплини. Водата му е потребна на телото за нормално да функционира, но понекогаш во организмот се задржуваат премногу течности што физички се манифестира со отекување. Задржувањето на вода најчесто е последица на една од овие причинители…
Исхрана
Исхраната што подразбира внесување големи количини сол и преработена храна доведува до покачување на килограмите, но и задржување на вишок течности. Поради тоа би требало да го ограничите консумирањето сол и да пробате да експериментирате со зачини кои на храната ќе ѝ дадат подобар вкус иако ќе биде помалку солена.
Хормони
Во текот на менопауза и пред менопауза многу жени страдаат од задржување на вишок вода во организмот и отекувањето се јавува како последица. Хормоните естроген и прогестерон имаат важна улога во тоа, па задржувањето течности може да биде предизвикано поради високо ниво на естроген или ниско ниво на прогестерон во крвта. Ако ви се задржува вода почнете да се храните поздраво, но направете и алерго-тестови и проверете го нивото на хормони во крвта.
Начин на живот
Ако поголемиот дел од времето го поминувате во седење или стоење, ткивата можат да почнат да задржуваат вода, така што треба да направите сè што можете за да ја подобрите циркулацијата. Ако не сте физички активни за почеток почнете да пешачите повеќе, лифтот заменете го со скали, а потоа постепено почнете и поактивно да вежбате.
Проблеми со срцето
Кардиоваскуларните нарушувања често можат да бидат причина за задржување вишок вода и отекување во абдоменот и нозете. Ако забележите дека сте отечени воочливо, повеќе од вообичаено (бидејќи на сите понекогаш им се случува да се разбудат „надуени“), не би било лошо да појдете на доктор за да го проверите здравјето на срцето и крвните садови.
Лекови
Одредени лекови како што се на пример антидепресивите, бета-блокаторите, медикаментите заза регулирање крвен притисок, оние што се користат во хемотерапијата како и нестероидните антиинфламаторни лекови можат да предизвикаат задржување течности во организмот. Ако неодамна почнавте да земате некои од овие лекови, а забележувате дека сте отечени – консултирајте се со доктор. Можеби ќе треба да ја смените терапијата.
Што можете да направите?
Магнезиум
Ако ви се задржува водата, може да почнете со зголемено консумирање магнезиум бидејќи овој минерал поттикнува ослободување на вишокот течности. Студиите покажале дека 200 милиграми магнезиум дневно во деновите пред менструација значително го намалува задржувањето вода кој е еден симптом на ПМС. Магнезиумот го има во темнозелениот лисест зеленчук, јаткастите плодови, житариците од цело зрно, црната чоколада…
Витамин Б6
Ова е еден од витамините коишто се важни за формирање црвени крвни зрнца, но и за некои други витални функции. Покрај тоа, витаминот Б6 го ублажува задржувањето вода во текот на ПМС. Намирници коишто се богати со овој витамин се банани, ореви, компир и месо.
Калиум
Калиумот е исто така еден од важните минерали, а истражувањата покажале дека проблемот со задржувањето вода се решава со оптимално ниво на калиум во крвта. Овој минерал го снижува нивото на натриум и поттикнува создавање урина. Намирниците богати со калиум се домат, авокадо и банана.
Дознајте кои знаци предупредуваат дека не пиете доволно вода.
