Претходно
5 неверојатни начини како пријателството ви го подобрува здравјето
Датум: 24 фев 2014
Коментари: 0
Од подобар имунитет до подобар сон, еве како пријателството и социјалните врски го подобруваат вашето здравје. Причина повеќе да бидете подружељубиви уште од денес!
1. Поголем имунитет
Според едно интересно истражување спроведено од страна на Списанието на американското медицинско здружение, луѓето кои редовно ги одржувале врските со пријателите и колегите од работа, се поимуни на настинки и вируси. Имено, истражувањето било спроведено така што на здрави луѓе им биле дадени капки за нос кои носеле вирус. Оние кои одржувале 6 или повеќе видови социјални врски (на пример, колеги од работа, познајници, соседи, блиски пријатели и слично), имале дури 4 пати помала веројатност да се разболат од оние кои одржувале помалку пријателства.
2. Помалку стрес
Истражувачите од Универзитетот во Лондон го измериле нивото на кортизол (еден од показателите на хроничен стрес), 30 минути по будењето на испитаниците. Откриле дека нивото кај осамените личности е за 21% повисоко отколку кај социјално активните.
3. Подобри когнитивни способности
Дружењето и комуникацијата се вежби за вашиот мозок. Оние кои почесто се во некаква интеракција со другите имаат подобри когнитивни способности. Едно истражување на американското списание за јавно здравство спроведено меѓу постарите жени, открило дека ризикот за појава на деменција (оштетување на мозокот и нарушување на менталните процеси), е за 43% помал кај оние кои секојдневно се среќавале и комуницирале со пријателите.
4. Понизок крвен притисок
Истражувањата покажале дека луѓето со хипертензија (висок крвен притисок), кои се во добра комуникација со своите пријатели имаат за третина помала веројатност состојбата неконтролирано да им се влошува. Во друго истражување каде состојбата на испитаниците се следела 4 години, се докажало дека оние кои не се осамени имаат понизок крвен притисок од оние кои се социјално изолирани.
5. Подобар сон
Во едно истражување спроведено од страна на Списанието за психолошка наука, истражувачите ја следеле состојбата на студентите и донеле заклучок дека оние кои се поповрзани со своите колеги во просек заспиваат за 14 минути побрзо и минуваат помалку време будни во текот на ноќта, за разлика од оние кои биле помалку друштвени.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
