Претходно
5 нешта кои мажите ги прават кога ќе ја сретнат жената на својот живот
Пред сè, тој ја љуби својата најмила со сето срце и не ѝ дозволува да се посомнева во нивната љубов. Без разлика колку себично и нечувствително ви делуваат мажите во одредени ситуации, љубовта има моќ да ги промени толку многу што едноставно нема да можете да ги препознаете. Па, доколку некогаш сте се прашувале како се однесува заљубен маж и што се менува кај него кога ќе ја пронајде жената на својот живот, се наоѓате на вистинското место.
1. Сфаќа колку е среќен и се труди да ја задржи крај себе – Вистинскиот маж кој зад себе има големо искуство во љубовниот свет, кога ќе ја запознае девојката која му совршено му одговара, ќе се труди да ја задржи крај себе по секоја цена. Тој ќе биде пресреќен што ја нашол оваа дама во својот живот и нема да дозволи да помине ниту еден ден без да ѝ го каже или покаже тоа.
2. Ѝ покажува колку навистина му значи – Ако мажот не покажува доволно емоции, големи се шансите и дека не ги чувствува. Но, кога ќе ја запознае вистинската за него, тој нема ништо да крие од неа. Ни љубомора, ни восхитување, ни насмевки, ни искри во очите… Тој секојдневно ќе ѝ покажува преку мали и суптилни знаци колку е среќен што ја нашол токму неа.
3. Се плаши да не ја изгуби – Колку и да ви звучи ова чудно, и мажите се луѓе исто како и жените. Тоа значи дека и тие се плашат да не ја изгубат својата љубена, а неретко се случува и гласно да го признаат тоа. Заљубениот маж кој чувствува дека крај себе ја има вистинската девојка едноставно не крие ништо од неа, дури ни стравовите поврзани со нивната врска.
4. Се труди да ѝ овозможи сè – Мажот кој ја обожава својата поубава половина ќе сака да ѝ овозможи сè што е во негова моќ. Тој сака неговата сакана да се чувствува како негова кралица и ќе се потруди никогаш да не ѝ недостасува љубов, внимание и почит. Заљубениот маж не се грижи како изгледа во очите на другите, бидејќи знае точно што сака во неговиот живот.
5. Не може да најде причина зошто да чека момент за да ѝ каже како се чувствува – Доколку тој е навистина заљубен, тој нема да ги крие овие емоции во себе. За разлика од мажите кои не се сигурни во своите емоции, тој нема да се плаши да ѝ каже на својата љубена зошто токму таа е вистинската девојка за него. Кога ќе ја најде, едноставно сака таа да биде негова!
