Претходно
5 навики на луѓето чиј дом е секогаш совршено чист
Иако сите ние се обидуваме да го средиме нашиот дом пред да ни дојдат гости, постојат и оние луѓе чиј дом е секогаш совршено среден, а ниту имаат куќна помошничка, ниту пак поминуваат часови во средување. Во што е тогаш трикот? Се работи за тоа што тие одамна усвоиле 5 важни навики, кои ние денес ги споделуваме со вас, за и вие да можете во секое време да имате совршен дом. Погледнете за што станува збор.
1. Тие ја знаат разликата помеѓу чисто и уредно
Сте поминале доста време средувајќи, бришејќи прашина и триење на подовите, а вашиот дом не изгледа како да е чист. Така е поради тоа што најверојатно е натрупан со непотребни работи, кои прават сè останато да изгледа неуредно.
2. Уредноста им е навика
На нив едноставно им е незамисливо наутро кога ќе се разбудат да не го наместат креветот или да не ги отстранат непотребните работи од масата, а да легнат да спијат. Таквите работи не одземаат многу време, се сработуваат во движење, а значат многу за целокупниот ефект.
3. Не оставаат ништо за подоцна
Кога ќе завршат со оброкот, веднаш ги мијат садовите и ја расчистуваат масата. После туширањето, ја чистат бањата. На тој начин, кога ќе дојде време за генерално чистење немаат многу работа.
4. Не ги натрупуваат работите
Постојат толку многу работи кои ви се непотребни и за кои ни самите не знаете зошто ги чувате. Сите тие работи едноставно исфрлете ги од домот, бидејќи нема потреба за сентименталност.
5. Имаат фиока за сè и сешто
Па дури и оние на кои сè им е средно имаат своја „шок“ фиока, односно место каде што ги ставаат сите оние ситници на кои не можат да им го пронајдат вистинското место, а им се потребни. Многу е важно повторно да се наспомене дека тоа сè е на едно место, а не насекаде по домот.
Откако ќе ги усвоите овие навики, одеднаш ќе се запрашате зошто вашиот дом и претходно не изгледал вака убаво. Сепак, доколку некогаш сте навистина уморни за да ги измиете садовите, мирно одете на спиење, не треба да имате грижа на совет, бидејќи тоа ќе го направите наредното утро.
