Претходно
5 начини да се релаксирате за време на викендите, без да бидете во допир со технологијата
Жално, но вистинито е тоа дека технологијата има толку навлезено во човековиот живот, при што таа зазема дел и во моментите за релаксирање. Но, дали на тој начин себеси си овозможувате вистински одмор? Најверојатно не. Наместо да бидете опседнати со најновите случувања или пак со игрите кои ги ви нудат вашите електронски уреди, овој викенд одлучете да се релаксирате без нив, па практикувајте некои од следниве активности.
1. Спијте
Оставете го една вечер телефонот подалеку од вашиот кревет и спијте без да имате аларм. Некои можеби ќе се разбудат уште во раните утрински часови, а други пак можеби ќе го преспијат целиот ден. Но, викендите треба да бидат наменети за добро да се одморите и да заборавите на стресот кој го чувствувате преку работната недела. Прекрасно е чувството кога ќе се разбудите самите, без аларм кој ви „заповеда“ да скокнете од вашата удобна позиција во креветот.
2. Одредете си ден кога воопшто нема да ја користите технологијата
Денес речиси не постои човек кој не е зависен од технологијата, но со сигурност добро ќе ви дојде еден ден без воопшто да ја користите. Како живеевте порано кога не бевте во можност секаде да го носите телефонот, а Интернетот сѐ уште ви беше непознат поим? Обидете се да се потсетите на тој начин на живот и ќе бидете изненадени колку поубаво и порелаксирано ќе се чувствувате.
3. Читајте книга
Посебно е чувството кога ја држите книгата во вашите раце, кога ги вртите нејзините страници и кога си оставате свои белешки. Ова не можете да го правите со вашиот лаптоп, таблет или паметен телефон. Оставете ги овие работи подалеку од вас, барем за викендите, па впуштете се во некоја авантура која се крие зад кориците.
4. Одете на кино
Не е исто кога филмот ќе го гледате на вашиот компјутер (зашто тоа сепак е технологија) или пак кога истиот ќе го гледате во кино. Договорете се со вашите пријатели или вашиот партнер и поминете еден поразличен викенд. Мирисот на пуканките не овозможува исто задоволство кога сте дома!
5. Гледајте го зајдисонцето
Доколку викендот ви нуди добри временски услови, оставете ја технологијата во вашиот дом и излезете на некое место од каде што ќе можете непречено да го набљудувате зајдисонцето. Седнете на тивко и гледајте како небото ја менува својата боја и се спушта мракот. Ова е само една од многуте можности за релаксирање и уживање во мајката природа!
