Претходно
5 начини да го подобрите вашиот социјален живот
Некои луѓе изгледаат како да се родени со одредени социјални вештини кои им овозможуваат лесно да се вклопат во сечие друштво и да имаат пријатели насекаде. Сепак, не се сите луѓе такви. На некои им е потребно повеќе време за да се спријателат со некого и да добијат нечие внимание. Добрата работа е што постојат начини на кои овие луѓе може да ги подобрат своите социјални вештини и да го зголемат својот круг на пријатели. Во продолжение ви прикажуваме дел од нив.
1. Забавувајте се
Пред да научите како да пронајдете пријатели, треба да научите како да се забавувате. Зошто е важно тоа? Пред сѐ поради тоа што никој не би сакал да биде во нечие здодевно друштво. Најдете да правите нешто интересно и ќе сфатите дека не ви е потребно да бидете зависни од другите, па на овој начин пријателите на вас ќе гледаат поинаку.
2. Проширете ги своите хоризонти и пронајдете нови нешта што можете да ги правите
Покрај тоа што треба да научите да се забавувате, потребно е да пронајдете и многу други нови работи што би можеле да ги правите. Обидете се постојано да практикувате нови хобија бидејќи на овој начин ќе дознаете што ви се допаѓа, а што не. Кога ќе имате повеќе активности, поголеми се шансите и да се сретнете со други луѓе со кои би ги споделувале заедничките интереси и на тој начин би се чувствувале поблиско и поудобно со нив. Иако не е правило дека морате да бидете пријатели со оние со кои ги делите истите работи, сепак, тоа ви ги олеснува работите.
3. Присуствувајте на различни социјални собири
Секогаш кога ќе ви се понуди шанса да отидете надвор и да се дружите со повеќе луѓе, не пропуштајте ја. Овие собири ќе ви помогнат да запознаете нови пријатели и со текот на времето да се зближите со нив. Пронајдете го она за што сте навистина заинтересирани и не избегнувајте ги овие настани. На пример, доколку сакате читање, слободно посетете ја најблиската библиотека или читална – таму без сомнение ќе запознаете повеќе љубители на пишаниот збор.
4. Погрижете се за себе и за својата среќа
Доколку сакате полесно да се социјализирате, пред сѐ треба да се погрижите за својата среќа. Запаметете дека никој нема обврска вам да ве направи среќни, па затоа, преземете ги работите во свои раце. Доколку постојано велите дека сте осамени и депресивни, нема да постигнете ништо поразлично. Вистина е дека некои личности може да направат да се чувствувате убаво некое време, но во суштина, ако не научите да уживате во животот, никој друг не може да ви го подари тоа чувство, без разлика колку и да се обидуваат.
5. Создадете си круг на пријатели
Откако сте ги направиле претходно споменатите работи или пак дел од нив, во еден момент ќе забележите дека сте ја вратиле својата доверба, а таа е најважна кога станува збор за подобрување на социјалните вештини. Бидете сигурни во себе и наскоро ќе забележите како другите ќе уживаат во ваше присуство. За краток временски период вие ќе имате неколку пријатели во ваша близина, а со текот на времето тој круг ќе се проширува. Почетокот може да биде обесхрабрувачки, но откако ќе одлучите да бидете среќни и задоволни со себе, вашиот живот ќе се подобри.
