Претходно
5 дневни навики кои природно ќе го забрзаат вашиот метаболизам
Брзиот метаболизам е клучот за добра фигура, но и за здрав организам! Ако повеќе не сакате да се дружите со вишокот килограми и недостатокот на енергија, тогаш започнете да ги усвојувате овие дневни навики кои не одземаат многу време, а многу ќе ви помогнат.
1. Започнете го денот со појадок
Многупати досега сте го слушнале ова, но и понатаму немате навика да појадувате? Треба да се засрамите. За вашиот метаболизам да функционира правилно потребно е да јадете константно. Поточно, треба да јадете повеќе пати на ден, во помали количини, за вашето тело постојано да има што да „работи“. И секако, започнете со појадок! Кога ќе го прескокнете појадокот и кога гладувате, вашиот метаболизам се забавува, и вие добивате на вашата тежина.
2. Вклучете во вашата исхрана Омега-3 масни киселини
Ова значи дека треба почесто да консумирате риба, особено туна или лосос. Рибата е одлична за вашето здравје, но и за вашиот изглед. Исто така, ќе го поттикне вашиот метаболизам да согорува повеќе калории. Ете зошто рибата е задолжителна на менито кога сте на диета. Ако пак, не сакате риба, обидете се да внесувате омега-3 масни киселини во облик на апчиња за кои најпрво ќе се посоветувате со вашиот доктор.
3. Не заборавајте ни на пробиотиците
Секако, и овде е посакувана онаа природна варијанта. Затоа, обидете се да внесувате храна која е богата со пробиотици, а најсигурен избор ви е јогуртот. Тие се клучот за здрав метаболизам кој ќе функционира во најдобар ред.
4. Квалитетен сон
Добриот и квалитетен сон е клучот за вашето здравје, но и за метаболизмот. Кога спиете недоволно, тој се забавува, а со тоа имате и нагон за прејадување, бидејќи мора некако да се наполните со енергија. Затоа, водете сметка да спиете од 7 до 9 часа и ќе бидете здрави, одморени и во добра форма.
5. Вежбајте
Ниту еден текст за забрзување на метаболизмот не може да помине без вежбањето, се согласувате? Сепак, пред целосно да се заморите, запомнете дека е доволно да вежбате половина час, два пати неделно за да го забрзате метаболизмот до таа мера што дневно ќе трошите дури 100 калории повеќе.
За тоа дека метаболизмот игра важна улога во вашиот живот и има пресуден збор во врска со вашите килограми, докажува и фактот зошто после 30-тата година многу побрзо се дебелееме?
