Претходно
4 знаци што покажуваат дека довербата во вашата врска е навистина силна
Довербата е можеби најтешкото нешто што треба да го постигнете во љубовната врска. Дури и ако длабоко во себе знаете дека партнерот се грижи за вас и ве почитува, довербата не е нешто што би го дале лесно, особено доколку сте биле повредени во минатото. Потребна е напорна работа за целосна доверба во врската, а веројатно се прашувате која е тајната на оние кои го постигнале ова.
Најпрво важно е да разберете што всушност претставува довербата. Таа е чувство кое ви помага да се ослободите од можеби најосновниот човечки страв – да бидете напуштени. Довербата значи дека можете да ја покажете вашата душа, вашите недостатоци и вашите несигурности, без да се грижите дека партнерот ќе ве напушти или изневери. Доколку довербата во вашата врска е силна, ќе ги забележите следниве 4 знаци.
1. Вие и партнерот не се сомневате еден во друг
Еден од најголемите знаци на доверба е кога не постои сомнеж помеѓу вас. Вашиот партнер никогаш нема да ве испрашува или да се разочара доколку сте поминале време со некој друг. Дури и ако оваа друга личност е заинтересирана за вас, партнерот ви верува доволно и знае дека ќе се справите со ситуацијата.
2. Се чувствувате безбедно
Можеби е лесно да помислите дека партнерот е разочаран поради вас кога е со лошо расположение, но ова не се случува кога постои доверба. Кога е очигледно дека еден од партнерите има проблем, другиот нема веднаш да донесе заклучок дека причината е врската.
3. Во ред сте и кога сте разделени
Во која било врска е невозможно постојано да бидете заедно, а ова можеби е и добро. Кога постои доверба помеѓу вас, нема потреба секој миг да го минувате заедно и се чувствувате удобно дури и кога сте разделени. Ниту вие ниту партнерот не се грижите за изневерување или што било друго. Не можете да го гледате партнерот постојано, а во врска со доверба, немате ни потреба да го правите тоа.
4. Целосно се почитувате еден со друг
Паровите кои си веруваат истовремено и се почитуваат. Исто така тие си кажуваат дека ги ценат нивните мислења и желби.
Градењето на довербата во врската не секогаш е лесна задача. Довербата ќе функционира само кога и двајцата во врската се чувствуваат како мудро да го одбрале партнерот. Многу често, луѓето во среќни врски изјавуваат дека се чувствуваат среќно или благословено што се нашле еден со друг. Довербата е клучна, но истовремено е тешко да ја најдете и одржете. Доколку вие и партнерот веќе го имате ова, обидете се да го зачувате најдобро што можете.
Погледнете ги и знаците кои покажуваат дека имате проблем со довербата во врската.
