Претходно
4 суптилни работи кои го откриваат карактерот на мажот
Денешното општество им суди на мажите според она што го поседуваат. Домот, автомобилот, титулата и богатството се мерки кои другите ги користат за да ја одредат нивната вредност.
Но, овие работи кажуваат само дел од нивната приказна. Ако сакате навистина да дознаете каков е некој, потребно е да го истражите неговиот карактер. А најдобриот начин да откриете нечиј карактер е да слушате како таа личност разговара со другите луѓе.
1. Како зборува со неговата сопруга?
Ако мажот не ја заштитува неговата најсвета врска, тој нема да заштитува ништо друго. Секој имал проблеми во бракот, и тоа е сосем нормално. Но, постојаното омаловажување и непочитување на сопругата не е во ред. Мажот што не ја почитува својата сопруга не може да биде добар. Исто така, внимавајте и на мажите што ги потценуваат нивните сопруги кога тие не се во близина.
2. Како зборува со неговите деца?
Мажот е авторитет во врската со неговите деца. Сигурно секој од нас сведочел како некое дете било искарано од таткото (или од мајката) дури и за најобична работа, па како всушност треба да се разговара со децата? Со децата секогаш треба да се разговара со почит и со љубов. Се разбира, потребно е дисциплинирање и учење од грешките и тие искуства не се баш пријатни. Но, сето тоа треба да биде направено со љубов и со желба да му се помогне на детето. Ова е тест за карактерот на еден маж бидејќи е многу лесно да се биде груб кон децата. Сигурно се случува детето да биде искарано повеќе отколку што треба, но важно е да се трудиме дисциплинирањето да го правиме со љубов.
3. Како разговара со луѓето кои го служат?
Ова е можеби најдобриот начин да го одредите карактерот на некој маж. Начинот на кој разговара со келнери, хигиеничари и други луѓе кои го служат покажува дали навистина ги почитува луѓето. Мажот кој нема несигурности нема потреба да ги потценува другите, без разлика каква е неговата позиција.
4. Како разговара со неговите непријатели?
Секој маж има по некој „непријател“, некој што не го сака или пак, некој кому завидува. Секој човек има конфликт со некој друг во текот на животот. Но само мажот кој знае да се контролира ќе избегнува непотребни расправии. Секому се случува да се налути и да каже нешто пред да размисли, а потоа да се кае за кажаното. Како што рекол Абрахам Линколн:
„Подобро е да молчите и да мислат дека сте будала, отколку да прозборите и да ги отстраните сите сомнежи.“
Многу е лесно да пронајдете недостатоци кај другите, и понекогаш постојат моменти кога треба да ги наоѓате недостатоците. Но, вистинската моќ лежи кога прво самите ќе се проверите и ќе работите на своите недостатоци, наместо да им судите на другите.
Погледнете како да го откриете и карактерот на жените со помош на овие прашања.
