Претходно
4 стратегии кои ќе ви помогнат да го засакате вежбањето
Вие сте од оние кои не се редовно физички активни? Тогаш текстов е за вас. Сепак, не е лесно да се засака вежбањето. Но, постојат многу начини на кои можете да го претворите во навика и да се заљубите во идејата да бидете физички активни.
Прочитајте ги во продолжение стратегиите кои ќе ви помогнат да го засакате вежбањето и да го вметнете во вашата дневна рутина.
1. Пронајдете смисла
Првиот чекор при создавањето навика е да утврдите што всушност вежбањето ви значи. Луѓето често се убедуваат во нешто врз основа на претходни искуства, а тоа значи дека многупати имаат негативен пристап од самиот почеток. Наместо тоа, секогаш гледајте на позитивната страна и размислувајте за тоа каква ќе биде користа за вашето здравје благодарение на редовните тренинзи. Запрашајте се дали вежбањето е за вас напорно или подарок. Ако неволно одите на тренинг јасно е дека ви недостига мотивација. Од друга страна, ако имате силна желба, но и недостиг на време за редовно тренирање прочитајте ги следните совети.
2. Подигнете ја самосвеста
Кога ќе пронајдете смисла во вежбањето, следниот чекор на кој треба да работите е самодовербата. Осознавањето дека сте силни позитивно влијае на вашата психа, па поради тоа ќе се чувствувате уште подобро. Кога ќе ги забележите првите промени вашата мотивација автоматски ќе се зголеми. Помалку фокусирајте се на долгорочни цели како дефинирање на стомачни или смалување на процентот на масти во телото, повеќе уживајте во добрите резултати од сопствениот труд.
3. Поставете приоритети
Вежбањето е многу повеќе од физичко движење на телото. Физичката активност го намалува стресот и ве прави посреќни, а претставува и одличен доказ дека напорниот труд се исплаќа. Во денешниот брз начин на живот преполн со обврски тешко е да се пронајде време за себе. Затоа, понекогаш е потребно себеси да се ставите пред сите други и да одвоите најмалку 30 минути дневно за да бидете физички активни. Кога ќе сфатите колку позитивно влијаат секојдневните тренинзи врз вашето расположение и врз другите активности кои ќе почнете да ги извршувате на поквалитетен начин, ќе бидете сигурни дека сте ја направиле вистинската работа.
4. Направете стратегија
На крајот на краиштата, целта може да се оствари единствено ако претходно се направи јасен план. Со текот на времето ќе откриете кој вид тренинг најмногу ви одговара и кои делови од денот ви се идеални за вежбање, притоа водејќи сметка за вашите работни обврски.
За да се засака вежбањето треба да се помине низ процес кој не е воопшто лесен, но на крајот секогаш ќе се исплати затоа што ќе станете посилни, послаби, поздрави и посреќни, како и позадоволни од себе и од своето тело.
Погледнете ги и овие 3 причини зошто редовното вежбање е клучно за вашиот успех.
