Претходно
4 совети за особено чувствителните луѓе
Особено чувствителните луѓе поинтензивно и темелно ги восприемаат и интерпретираат внатрешните и надворешните стимули во споредба со другите луѓе на кои им недостасува оваа хиперсензитивност поради биолошката разлика во нивниот нервен систем. Од друга страна, чувствителните луѓе веруваат дека оваа нивна способност е пречка во општеството кое бара од нив да бидат силни и нечувствителни. Сепак, големата чувствителност не е слабост туку е извор на огромни и често непризнаени силни страни како, на пример, вродената емпатија.
Затоа, тие имаат повеќе потреба од исцелување и детоксикација бидејќи ја апсорбираат надворешната негативност подиректно од другите. Во продолжение прочитајте кои лекции треба да ги научи секоја чувствителна личност за да преживее.
1. Контролирајте ги вашите емоционални реакции
Како многу чувствителна личност, може да бидете склони да реагирате со интензивни емоции под различни околности. Кога ќе видите дека некој има потреба, вашата првична тенденција е да реагирате со засилени емоции што е и поразително и честопати исцрпувачки за вас. Затоа, можеби ќе ви биде тешко да го контролирате вашиот емоционален одговор каде и да е потребно. Имајте на ум и дека справувањето со емоциите на зрел начин е вештина која се стекнува во текот на животот.
2. Слушајте ја вашата интуиција
Чувствителните луѓе се свесни за нивната непосредна околина. Но, тие често, за жал, го игнорираат својот внатрешен глас. Оттука, ако сте високо чувствителна личност, вие сте исклучително интуитивни. Ги филтрирате стимулите околу себе, дури и без ваше знаење. Луѓето можеби често ве изневеруваат и ви ја трошат енергијата. За да ги избегнете сите овие ситуации, почнете внимателно да ја слушате вашата интуиција.
3. Чувствителноста не е синоним за слабост
Не заборавајте дека луѓето кои имаат способност духовно да се поврзат со туѓата болка, гнев и тага имаат супермоќ да го искусат светот преку туѓиот начин на размислување. Клучната лекција што треба да ја научите е да ја искористите оваа способност за ваше и за доброто на другите.
4. Прифатете го вашето автентично јас
Најважната лекција што една чувствителна личност треба да ја научи е никогаш да не се менува себеси, само затоа што се разликува од повеќето други луѓе. Другите луѓе ќе се обидат да ве убедат дека во овој суров свет е подобро да не ја покажувате вашата вистинска природа. Но, ако се обидете да бидете некој што не сте, ќе мора да живеете во лага во текот на целиот ваш живот.
Откако ги прочитавте овие лекции, можеби ќе сакате да прочитате и за суровата вистина за чувствителните луѓе кои премногу размислуваат.
Извор: themindsjournal.com
