Претходно
4 салати со варени јајца кои добро ќе ве најадат
Јајцата се извонредна храна која треба почесто да се консумира. Еве четири интересни начини да приготвите вкусен оброк со нив и уште почесто да ги имате на вашето мени.
1. Салата со јајца, сланина и сирење
Потребни состојки за 4 лица:
- 3 лажици густо кисело млеко или павлака
- 3 лажици нискомаслен мајонез
- 1/4 лажичка лук во прав
- 1/4 лажичка црн пипер
- 1/8 лажичка сол
- 8 варени јајца
- едно презреано авокадо, исечкано на коцки
- 2 парчиња сланина, испржени и ситно исечкани
- 30 грама сирење
Начин на подготовка:
Во сад измешајте ги киселото млеко, мајонезот, лукот во прав, црниот пипер и солта. Јајцата исечете ги на половини и одвојте ги жолчките од белките. Потоа додајте ги во садот со другите состојки и пасирајте додека ја добиете смесата која ја посакувате. Полека додајте ги и авокадото, сланината и сирењето додека пасирате.
2. Салата со јајца и зеленчук
Потребни состојки за 4 лица:
- 3 лажици густо кисело млеко или павлака
- 3 лажици нискомаслен мајонез
- 1/4 лажичка црн пипер
- 1/8 лажичка сол
- 8 варени јајца
- 25 грама ситно сечкан морков
- 75 грама ситно сечкана краставица
- 25 грама ситно сечкан млад кромид
Начин на подготовка:
Во сад измешајте ги киселото млеко, мајонезот, солта и црниот пипер. Јајцата исечете ги на половини и одвојте ги жолчките од белките. Потоа додајте ги во садот со другите состојки и пасирајте додека ја добиете смесата која ја посакувате. Додајте ги и морковите, младиот кромид и краставицата.
3. Слатка салата со јајца
Потребни состојки за 4 лица:
- 3 лажици густо кисело млеко или павлака
- 3 лажици нискомаслен мајонез
- 2 лажици сенф
- 1/4 лажичка црн пипер
- 1/8 лажичка сол
- 8 варени јајца
- 120 грама сечкан целер
- 40 грама сечкани кисели краставички
- 3 лажици ситно сечкан сладок кромид
Начин на подготовка:
Во сад измешајте ги киселото млеко, мајонезот, солта и црниот пипер. Јајцата исечете ги на половини и одвојте ги жолчките од белките. Потоа додајте ги во садот со другите состојки и пасирајте додека ја добиете смесата која ја посакувате. Потоа додајте ги и целерот, слаткиот кромид и киселите краставички.
4. Салата Нисоаз
Потребни состојки за 4 лица:
- 3 лажици густо кисело млеко или павлака
- 3 лажици нискомаслен мајонез
- 2 лажици ситно сечкан црвен кромид
- 2 лажици вински оцет
- 1/4 лажичка црн пипер
- 1/8 лажичка сол
- 8 варени јајца
- 150 грама туна во парчиња
- 225 грама грав (по можност зелен)
- 3 лажици исечкани маслинки
Начин на подготовка:
Во сад измешајте ги киселото млеко, мајонезот, црвениот кромид, оцетот, солта и црниот пипер. Јајцата исечете ги на половини и одвојте ги жолчките од белките. Потоа додајте ги во садот со другите состојки и пасирајте додека ја добиете смесата која ја посакувате. На крајот додадете ги и туната, гравот и маслинките.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
