Претходно
4 проблеми кои никако не смеете да ги игнорирате во љубовната врска
Секој пар има проблеми во врската и тоа не е нешто што треба да ве загрижува доколку редовно разговарате за нив. Најголемите проблеми настануваат кога почнувате да ги игнорирате проблемите кои со тек на време стануваат сè поголеми. Иако некои нешта е сосема во ред да ги премолчите, за овие четири проблеми мора да разговарате со партнерот.
1. Секогаш кога ќе се видите, за нешто се препирате
Со овој проблем многумина се среќаваат, а решението е многу едноставно – направете пауза. Не мислиме на пауза од врската, туку на намалено гледање. Вие најверојатно поминувате толку многу време заедно што немате за што да разговарате, па затоа и полесно ви е да пронајдете причина за караница отколку за нормален разговор. Но, не смеете да престанете да разговарате за ова затоа што може да биде и симптом за многу поголем скриен проблем.
2. Не го прифаќате мислењето на партнерот
Ако немате отворен ум кон сугестиите на вашиот партнер, тоа значи дека не ги поддржувате неговите ставови и мислења. Секако, не мора да се согласувате околу сè, но отвореноста кон сугестиите и советите никако не може да штети.
3. Веќе не се забавувате како порано
Додека вашата врска порано била како забавен парк, сега сте западнале во здодевна рутина. Тоа им се случува на сите и не е ништо загрижувачко, но секако би требало да поработите на враќање на авантурите во вашата врска за да не се заситите еден од друг и да почнете да барате среќа надвор од врската.
4. Дозволувате надворешно влијание на вашата врска
Секако дека е сосема во ред да го послушате туѓото мислење, но ако дозволите тоа да ја обликува и одредува иднината на вашата врска тогаш тоа не е добро. Вие и вашиот партнер треба да бидете единствените личности одговорни за вашата врска врска, никој друг, па дури ни вашите или неговите родители.
Прочитајте и за 4-те проблеми со кои се соочуваат луѓето кои пораснале без љубов.
