Претходно
4 причини зошто вашата душа е привлечена од неговата
Додека надворешниот изглед може да игра клучна улога во привлекувањето, не сè може да се објасни на тој начин. Привлекувањето се состои од многу слоеви, и најинтересно од сè е што нема универзални правила за начинот на кој се манифестира. Причината за привлекување е вкоренета длабоко во потсвесниот ум каде што не успеваме да објасниме со зборови што е тоа што нè тера да почувствуваме магнетна сила кон одредена личност.
Размислете, вие едноставно налетувате на некоја личност, разменувате неколку зборови и брзо потоа почнувате да чувствувате близина. Многумина веруваат дека кога ќе пронајдеме таква личност, ние всушност сме си ја пронашле сродната душа. Но, привлечноста не се темели само судбина. Според науката, параметрите на привлекувањето се всушност длабоко испишани во нашиот потсвесен ум.
Нема совршена личност која е направена по идеална мерка за некого, бидејќи тајната на совршениот однос лежи во постојаното вложување труд и напор, како и во балансираното разбирање. Па, ако сакате да знаете зошто вашата душа е привлечена токму од неговата, тогаш продолжете со читање.
1. Ментална компатибилност
Ве привлекува личност што е на истата бранова должина како вас. Тоа често се доживува како активно ментално заведување. Со други зборови, вашите разговори вклучуваат емоции, инстинкти и интуиција бидејќи и двајцата сте вклучени во врската.
2. Се чувствувате рамноправно
Кога сте способни да ги возвратите емоциите на другата личност, создавате подлабок однос. Взаемните емоции го зајакнуваат овој однос и ја прават врската посилна. Вие се чувствувате благодарно и сакано, и токму тие силни емоции прават да се чувствувате како вашиот живот одеднаш да има смисла.
3. Ја делите истата перспектива
Не сакате да го поминете остатокот од својот живот со некој чиешто размислување е скоро спротивно на вашето. Иако отворањето простор за меѓусебни разлики е здраво, тоа може да биде и исцрпувачко доколку немате ништо заедничко.
4. Заеднички се соочувате со предизвиците
Привлечноста се зголемува кога заедно се соочувате со животните предизвици и кога заедно ги надминувате. Токму овие предизвици ви помагаат да станете поблиски. Кога заедно ги надминувате препреките, вашата врска без сомнение е доволно сила за да го издржи тестот на времето.
Прочитајте ги и овие 4 нешта за кои секогаш ќе се согласувате со вашата сродна душа.
