Претходно
4 грешки во врска со грижењето што треба да престанете да ги правите
Според Американското здружение за анксиозност и депресија, речиси 40 милиони возрасни Американци страдаат од хронична грижа и други анксиозни нарушувања, па ова е најчестата ментална болест во САД. Процентуално, ни ние не сме многу подалеку од нив.
За ова постојат многу причини – премногу технологија, несоница и недоволно спиење, осаменост и недостиг од правилна комуникација, особено кај тинејџерите. Според експертите, постојат 4 најчести грешки што ги прават луѓето кои се обидуваат да се справат со грижите и анксиозноста, притоа влошувајќи ја својата ситуација.
1. Барање сигурност и контрола
Експертите веруваат дека постојат две нешта што најмногу предизвикуваат анксиозност – недостаток од контрола и несигурност. Несигурноста е најголем непријател на анксиозноста и токму од овде произлегуваат сите грижи. Колку сте посигурни, толку помалку се грижите. Но, постои и претерана желба за сигурност.
Можеби мислите дека ќе ги намалите грижите доколку барате повеќе сигурност за нештото што ве плаши. Ова е точно до некој степен. Ако, на пример, вашето дете не е дома, а не одговара на телефонот, ќе побарате сигурност и ќе се јавите на некој од неговите пријатели. Но, ако гласот во вашата глава ви кажува дека ќе имате рак, па барате лажна сигурност за нешто во иднината, тогаш само ќе се грижите уште повеќе.
Најголемиот проблем со луѓето кои хронично се грижат е одбивањето да ја прифатат можноста за негативен настан во иднината. Сигурноста и контролата се како благословен микс. Луѓето чувствуваат помалку анксиозност кога имаат сигурност и контрола, и ги бараат кога не можат да ги добијат. Но обидувањето да контролирате нешто што не можете и барањето сигурност во несигурен свет само ја влошува ситуацијата.
2. Потиснување на грижите
Грижењето всушност го потиснува емоционалното искажување, а со ова се отежнува надминувањето на стравот. Истражувањата покажале дека како што почнуваме да се грижиме, нивото на возбуда во нашето тело се намалува, па логично е да разговарате со некого за вашите грижи. Јавете се на пријател, водете дневник или едноставно разговарајте со себе на глас. Според неколку истражувања, зборувањето на глас со себе им помогнало на многумина да се справат со стресот, тешките мисии и се разбира, со стравот.
3. Размислувате наместо да правите
Стравот произлегува од потсвесната амигдала, не од кортексот за размислување, па обидувањето да го надминете стравот со размислување е залудно. Најдобриот начин да ги намалите грижите е да престанете да размислувате. Ова е навистина потешко да се направи отколку да се каже, но постојат неколку техники што ќе ви помогнат во тоа.
Одолговлекување на грижите
Донесете одлука дека подоцна ќе размислувате за вашите грижи и веднаш ќе се чувствувате подобро. Оваа позната техника е наречена „Сеф на грижи“. Сè што треба да направите е да ги ставите вашите грижи во замислен сеф во главата и да си речете: „Утре ќе размислувам за ова.“
Би требало утредента да се чувствувате подобро, а ако не успеете, секогаш можете да го одложите размислувањето за грижите за друг ден.
Трансфер на одговорности
Доколку верувате во нешто, без разлика дали е тоа Бог, судбина, универзум или што било, замислете си дека тоа се грижи за вас. Замислете си дека нештото во коешто верувате ве ослободува од вашите грижи за овој ден.
Не му давајте енергија на стравот
Во овој случај потребно е да делувате повеќе отколку што мислите дека е потребно за да ја постигнете целта. Ова е разликата помеѓу размислувањето дали да разговарате со некоја девојка и грижата дека нема да ви се јави, и разговарањето со 10 девојки за сигурно да имате барем еден состанок.
Медитација
Обидете се да медитирате без разлика колку сте зафатени. Медитацијата нуди многу здравствени придобивки и не само што ќе ви го подобри расположението, туку ќе ви го подобри и здравјето. Најдоброто е тоа што можете да медитирате каде и да сте без дополнителна опрема. Потребно е само да седнете и да се фокусирате на вашето дишење.
Јога
Како медитацијата, и јогата е позната за подобрување на фокусот и расположението. Постојат многу јога пози, а има и посебно дизајнирани програми што ќе ви помогнат да се справите со стресот.
Вежбање или спортување
Трчајте, одете во теретаната или играјте го омилениот спорт. Овие нешта ќе ви го одвлечат вниманието од вашите грижи и ќе ви го подобрат расположението. Физичката активност, особено понапорната, има позитивен ефект и при намалување на идните симптоми на депресија.
4. Не ја разбирате реалната статистика
Друго нешто што е важно да го запомните е дека 95% од вашите грижи никогаш не стануваат реалност. А кога нешто навистина ќе се случи, луѓето се справуваат многу подобро отколку што мислат дека можат. Со други зборови:
- Лошите работи се случуваат
- И кога тие ќе се случат, ќе се справите подобро отколку што мислите
Ако почнете да ги гледате нештата од оваа перспектива, вашата анксиозност значително ќе се намали.
Погледнете и како да ги намалите грижите, анксиозноста и токсичните мисли.
