Претходно
3 рецепти за сосови кои се готови за 3 минути
Тешко е да се замислат филмските дружења без грицки. Наместо класични чипсови, изненадете ги пријателите со малку поздрави алтернативи! Морковот, краставицата и целерот самите по себе можеби не се возбудливи, но со вистинските сосови може да се претворат во сладок залак со кој гледањето на филмот ќе стане уште позанимливо. Со шарените сосови од кисела павлака, авокадо и домати со сигурност ќе го задоволите вкусот на вашите гости. Подготовката е едноставна, а намирниците сигурно веќе ги имате во вашата кујна.
Сос од авокадо
Потребни состојки:
- 200 грама кисела павлака
- ½ авокадо
- 1 чешне лук
- ½ лимон
- Прстофат сол
Начин на подготовка:
Изгмечете го авокадото со виљушка или со помош на некој уред. Изгмечете го лукот, а потоа соединете ги заедно со киселата павлака. На крај, додајте ја солта и лимоновиот сок.
Бел сос
Потребни состојки:
- 200 грама јогурт
- 200 грама кисела павлака
- 1 чешне лук
- 2 лажици мајонез
- Прстофат магдонос
- Прстофат сол
Начин на подготовка:
Исечкајте го лукот на ситно, измешајте го со јогуртот, киселата павлака и мајонезот, а на крај додајте го и магдоносот.
Тако сос
Потребни состојки:
- 1 лажица масло
- 1 кромид
- 1 пиперка
- 1 чили пиперка
- 400 грама пире од патлиџани
- ½ лажичка мелен ким
- ½ лажичка меле коријандер
- 1 чешне лук
- Прстофат сол и бибер
Начин на подготовка:
Ставете го маслото во тава, додајте го ситно исечканиот кромид и пржете го околу една минута. Потоа, додадете ја и исечканата пиперка. После две до три минути додајте го лукот и зачините, а потоа и пирето од патлиџани. За крај, по сопствена желба и вкус можете да додадете малку кисела павлака.
