Претходно
3 работи што никогаш не треба да ги чистите со хартиена крпа
Хартиените крпи се производ што се наоѓа во речиси секоја кујна и домаќинките ги користат за чистење на речиси сите површини. Сепак, постојат предмети што никогаш не треба да ги бришете со хартиена крпа, бидејќи некои може да се оштетат трајно. Еве што никогаш не треба да чистите со хартиена крпа:
1. Чаши
Ако ги избришете чашите со хартиена крпа, може да го изгребете и да го оштетите заштитниот слој на стаклото. За да ги исчистите чашите, потребни ви се помеки крпи. Ако редовно ги чистите со хартиена крпа, по некое време ќе видите гребнатини.
2. Дрвен мебел
И прашината и хартиените крпи имаат абразивни својства, што значи дека отстранувањето прашина од дрвен мебел може да остави гребнатини на површината. Хартиените крпи се премногу груби за такви чувствителни површини и најдобро е да ги чистите со мека крпа натопена со средство за чистење дрвени површини.
3. Електрични уреди
Грубата текстура на хартиените крпи може да ги оштети електричните апарати, особено стаклените површини, како што се екраните. Не бришете ги со хартиени крпи екраните на телевизорот, компјутерот, микробрановата печка и рерната. Најдобро е да ги избришете овие уреди со крпа од микрофибер или со влажни антибактериски марамчиња.
Прочитајте кои површини не треба да ги чистите со алкохолен оцет.
