Претходно
3 пролетни модни комбинации за на работа
Што да облечете за на работа, а да не бидете здодевни? Како да ги почитувате правилата за облекување, а сепак да се истакнете? Веројатно често си ги поставувате овие прашања додека ја барате совршената модна комбинација за на работа. За утро без паника, пробајте некоја од следниве 3 модни комбинации.
1. Со црвено никогаш нема да погрешите
Ако постои боја која автоматски го подобрува расположението, ви ја враќа енергијата и ви го поправа денот, тоа е црвената. Малку црвено во вашата деловна модна комбинација ќе ѝ додаде доза живост. Можете да одберете црвена кошула и впечатливи црвени балетанки наместо рамни салонки.
2. Играјте си со боите
Оваа пролет е во знакот на живите бои кои слободно можете да ги носите и на работа. Костимите во боја никогаш не биле попопуларни. Слободно одберете ја омилената боја и мудро искомбинирајте ја. Кога станува збор за чевлите, кога ќе земете предвид дека треба да работите 8 часа, најдобро е да одберете удобни кожни чевли. Панталоните од костимите не изгледаат добро само со салонки, па слободно комбинирајте ги со патики, мокасини, сандали или балетанки.
3. Принтови
Точките, карираните и животинските принтови се последниот тренд кој можете многу лесно да го вметнете во вашата деловна модна комбинација. Доколку сте романтични, слободно одберете миди фустан со точки и дополнете го со сако. Со оваа комбинација одлично ќе стојат балетанките со отворена пета, кои исто така се хит оваа сезона. Целата комбинација завршете ја со романтична сламена торба и без сомнение ќе направите комбинација со некои од најпопуларните пролетни трендови.
Погледнете ги и овие модни комбинации за поголема самодоверба на интервју за работа.
