Претходно
3 причини зошто редовното вежбање е клучно за вашиот успех
Кога последен пат навистина сте вежбале и сте се почувствувале незапирливо и полни со енергија? По завршувањето на напорен тренинг се појавува чувство на исполнетост, а предностите од вежбањето се неоспорни.
Очигледно, постојат физичките придобивки од вежбањето како повеќе енергија, здрава тежина и силно тело. Но немојте да ги заборавите и менталните придобивки, како намален стрес, зголемена самодисциплина и ментална јасност.
Ако редовно вежбате, создавате одлична физичка и ментална состојба којашто има позитивно влијание на сите области од вашиот живот. Овде спаѓа и успехот. Дури и ако редовно вежбате, овие 3 причини дополнително ќе ве мотивираат да се упатите кон теретаната.
1. Ментална сила и издржливост
Без разлика која ви е целта, постојат неколку особини што се клучни за успех. Една од нив е самодисциплината. Самодисциплината е посветеност на една задача или цел без разлика на искушението или слабоста коишто ве тераат да се откажете.
Со редовното вежбање создавате навика за самодисциплина и ритуал за успех. Секој ден ќе се чувствувате различно во врска со вежбањето, ако воопшто сакате да вежбате. Надминувањето на овие чувства со вежбање самодисциплина е можност да ја зголемите вашата ментална сила. Со текот на времето ќе станете пофокусирани и ништо нема да може да ве запре на патот кон целта.
Па, без разлика дали треба да работите неколку часа повеќе на некој проект или да трчате уште половина час, ќе ја имате потребната самодисциплина за да го завршите потребното.
2. Зголемена ментална и физичка енергија
Како би изгледал вашиот живот ако никогаш не чувствувате замор? Колку продуктивни би биле? Колку повеќе би заработувале? Како би се промениле вашите врски и како би се чувствувале секој ден?
Без разлика што сакате да постигнете, тоа бара време и енергија. Вашата енергија зависи од вашето здравје. Ако се храните здраво, доволно спиете и редовно вежбате, вашите тело и ум нема да се заморуваат толку лесно.
Зголемената ментална енергија ќе ви помогне да го задржите фокусот во текот на целиот ден. На овој начин ќе бидете попродуктивни и поефикасни. Физичката енергија ќе ви помогне да останете во движење и да ги завршите обврските без да чувствувате замор.
3. Вашето здравје ви е сè
Колку подобро се грижите за себе, толку подобро можете да се грижите за другите. Ако работите премногу, се здебелите или треба да пиете лекови за крвниот притисок, тогаш колку всушност сте продуктивни? Колку поефективни би биле ако секое утро се будите со енергија и бистар ум? Најважно е да се запрашате: Која е целта на финансиската слобода ако не можете да ја уживате бидејќи сте болни?
Здравјето нека ви биде на прво место со тоа што ќе направите едноставен план за исхрана и вежбање. Не е важно колку сте биле активни досега. Денес започнувате одново. Денес тргнувате кон вашите цели додека здравјето ви е приоритет.
Доколку немате време за цела рутина, пробајте ги овие едноставни начини на вежбање.
