Претходно
3 бои на кармини кои секоја жена треба да ги има
Секогаш е забавно да пробате нешто ново и да откривате бои кои добро ќе прилегаат на вашиот тен, коса и стилот на шминкање, но овие 3 нијанси одговараат на скоро секоја жена.
1. Кремастa „nude“
Кармините во боја на кожа односно во „nude“ нијанса се одличен избор доколку со шминката сакате да ги истакнете очите, нагласувајќи ги со туш, маскара или со заводливи сенки нанесени во ефект на „зачадени очи“.
2. Мат црвена
Визажистите се едногласни кога велат дека најдобро е на лицето да се истакне само еден дел. Доколку сакате тоа да бидат усните, нема да погрешите ако изберете црвен кармин во мат варијанта. Црвениот кармин одлично им прилега на русокосите, црнокосите и црвенокосите жени и девојки, а е одличен избор и за свечени и за бизнис опкружувања.
3. Сјајна розова
Доколку ги обожавате природните нијанси на шминка, изберете кармин во нежна розово-црвена варијанта со нијанса на шумско овошје како цреши и јагоди. Овие бои суптилно ги бојат усните и се одличен избор за секој ден додека ги извршувате вообичаените дневни обврски и рутини.
