Претходно
15 грешки што ги правите при вежбањето и можат да бидат опасни по здравјето
Ако сакате одењето во сала за вежбање да даде резултати, да изгубите килограми и да ги оформите мускулите, многу е важно да правите основни вежби. Но, честопати луѓето погрешно ги прават овие вежби и на тој начин си го уништуваат здравјето и залудно го трошат својот труд. Прочитајте ги следниве совети што ќе ви помогнат да вежбате правилно и ефективно, без да си го нарушите здравјето…
1. Мост со кревање на колковите
Погрешно: Ако го виткате грбот додека го правите овој мост, го преоптоварувате долниот дел од грбот наместо задникот.
Правилно: Свиткајте ги колената така што ќе формираат прав агол на подот. Подигнете ја карлицата и погрижете се вашето тело да формира права линија од рамената до колената. Ова е многу важно! Стискајте го задникот колку што можете повеќе и стегајте ги стомачните мускули.
2. Клекнување во страна
Погрешно: Ако се навалите многу нанапред и ги свиткате колената во остар агол, ќе ги преоптоварите ’рбетот и колената.
Правилно: Грбот треба да ви биде исправен и не треба да ја подигнувате карлицата. Колената треба да ви се свиткани под приближно прав агол кога ќе клекнувате.
3. „Планк“
Погрешно: Ако грбот не ви е исправен додека го правите „планкот“, вежбата ја губи ефективноста и станува бескорисна.
Правилно: Држете го телото во права линија од главата па сѐ до петите. Вашите раце треба да се поставени под прав агол и не го виткајте вратот.
4. Клекнување со тегови за вежбање на грбот
Погрешно: Ако колената ви одат зад прстите на стапалата, го виткате грбот и целиот товар од тегот го ставате на вратот, префрлувајќи ја тежината на прстите. Можете сериозно да си го повредите вратот и да паднете.
Правилно: Тегот треба да биде во линија со средниот дел од вашите стапала. Исправете го грбот и не ги подигнувајте петите од подот. Бутовите треба да се паралелни на подот и немојте да клекнувате премногу ниско.
5. Правилно држење на шипката
Погрешно: Ако го ставате тегот на вратот, можете да си нанесете сериозни повреди.
Правилно: Повлечете ги лактите наназад и притиснете ги рамената така што ќе се појави еден вид „полица“ при стегањето на мускулите. Ставете го тегот на оваа полица колку пониско можете и држете го цврсто.
Продолжува на следната страница…
