Претходно
14 убави лекции што можеме да ги научиме од неуспешните врски
Понекогаш и покрај вашиот труд и најдобрите намери, врската завршува, а вие останувате со неудобни емоции како очај, гнев и тага. Но наместо да мислите зошто ви се случува тоа, почнете да размислувате што можете да научите од тоа искуство. Скршеното срце може да ве научи на многу мудри лекции. Ова се 14-те лекции што сите можеме да ги научиме од неуспешните врски.
1. Не ги поседувате луѓето
Кога сме вљубени, понекогаш свесно или несвесно мислиме дека го поседуваме партнерот. Но факт е дека ова не е вистина. Вашиот партнер има право сам да донесува одлуки за неговиот живот, без разлика дали ви се допаѓаат или не. Не можете да контролирате каде ќе оди, како ќе се однесува или што било слично, без разлика колку долго сте заедно. Најдоброто нешто што можете да го направите е да имате отворен разговор за вашите избори, но потребно е да ја цените неговата индивидуалност.
2. Љубовта не е зависност
Љубовта не значи дека не можете да преживеете еден без друг, како што гледаме во холивудските филмови. Во овој случај станува збор за зависност. Љубовта е слободна вежба на избор. Двајца луѓе се сакаат само кога можат да живеат одвоено, но одбираат да живеат заедно.
3. Љубовта е одделување
Љубовта е дружба помеѓу двајца кои се спојуваат за да си помагаат и да се поддржуваат, без да го изгубат нивниот идентитет во процесот. Љубовниците треба да си остават простор да ги следат своите страсти и да се развиваат. И двајцата партнери треба да поминуваат време насамо за да ја исполнат нивната животна цел, а потоа да се вратат кај партнерот за да ги споделат даровите.
4. Вашиот партнер не е проект што треба да се поправи
Ако сакате да промените нечиј изглед или неговите основни карактеристики, тогаш не го цените онаков каков што е. Луѓето созреваат кога се инспирирани и кога сакаат да се променат, тоа доаѓа од нив. Притисокот за промена можеби ќе работи некој период, но на долгорочен план ќе заврши лошо. Ако имате огромна листа со нешта што сакате да ги промените кај вашиот партнер, добро размислете за врската.
5. Страста не останува засекогаш
Кога на почетокот сме привлечени од некого, чувствуваме доток на неколку хемикалии во нашиот мозок. Поради ова чувствуваме пеперутки во стомакот и сакаме секој миг да го поминеме со таа личност. Но оваа фаза не трае долго. Дури откако ќе помине ќе знаете дали навистина ја сакате личноста. Ако се грижите за неа и после оваа фаза, тогаш навистина сте вљубени.
6. Некои врски се само лекции, а некои ќе траат засекогаш
Целта на некои лекции е да ве научат да простувате и грациозно да заборавате. Тие ви помагаат да еволуирате и да станете подобра верзија од себе. Кога ќе ја научите лекцијата, ќе се подготвите и емоционално и духовно за подобра врска во иднината.
7. Врските во кои влегувате се директен показател на вашата вредност за себе
Врските што ги започнувате рефлектираат каде се наоѓате во животот. Ако создавате премногу проблеми, тоа значи дека имате рани кои не заздравиле целосно. Проблемите со кои се соочувате во врските можат да ви покажат на што треба да работите. Некои луѓе доаѓаат во вашиот живот за да ве направат подобра личност и си одат кога нивната улога ќе заврши.
8. Врските се само дел од убавиот живот
Врските се само дел од животот. Постојат многу нешта што треба да ве исполнуваат – пријатели, страст, работа, забава… Не треба да чекате да бидете во врска за да го живеете вашиот најдобар живот.
9. Вашиот капацитет да бидете сами го одредува вашиот капацитет за љубење
Љубовта кон себе е најважниот вид на љубов. Не можете да им го дадете на другите она што го немате за себе. Покажете си безусловна љубов и сочувство. Грижете се за себеси и приоритет нека ви бидат активностите што прават да се чувствувате живо и исполнето.
10. Имајте партнер кој ви е и најдобар пријател
Како што споменавме, фазата исполнета со страст не трае долго. Па ако сакате вашата врска да трае, потребно е да се поврзете на подлабоко ниво со партнерот. Ако партнерот ви е и најдобар пријател, тогаш имате врска која е многу повеќе од само физичка и ментална компатибилност.
11. Компромисот е улица со две насоки
Љубовта значи да направите нешто за доброто на другиот. Но компромисот е улица со две насоки, а вие и партнерот треба да се најдете на средината од патот. Ако само едниот партнер се жртвува и прави компромиси, ова не е љубов, туку саможртвување.
12. Бидете свои
Треба да ви биде доволно удобно за да бидете целосно свои пред партнерот. Ако сметате дека треба да глумите за да го импресионирате, ова е голем предупредувачки знак. Не можете да лажете дека сте некој друг целиот ваш живот. Ако партнерот не ве прифаќа онакви какви што сте, тогаш тој не е вистинската личност за вас.
13. Компатибилноста е клучна
Без разлика колку сте вљубени, ако не сте компатибилни со партнерот, вашата врска нема да трае. Иако нема двајца луѓе кои се согласуваат за сè, потребно е да имате неколку заеднички нешта. Потребно е да бидете компатибилни кога станува збор за животните избори и вредности. Ако вашиот партнер не сака деца, а вие сакате, или ако вие сакате да патувате, а партнерот не, може да настанат многу проблеми.
14. Љубовта нема обврска да направи да се чувствувате целосно исполнети
Не треба да барате љубов и одобрување надвор од вас. Кога барате некој друг да ве дополни, само ќе си создадете проблеми со зависност. Ако не се чувствувате среќно и исполнето кога сте сами, речиси неверојатно е да го чувствувате тоа кога сте во врска.
Погледнете и кои се љубовните лекции кои треба да ги научите во вашите 20-ти.
