Претходно
12 промени во расположението што може да бидат првиот знак на сериозна физичка или ментална болест
Кога станува збор за сериозни болести, сигурно претпоставувате дека најраните знаци ќе се манифестираат на телото. Се разбира, никогаш не треба да ги игнорирате физичките симптоми, но важно е да обрнете внимание и на промените на психичката состојба. Иако некои чувства, како што се нервоза или раздразливост, може да се појават поради лош ден на работа или расправија со сопругот или со некој пријател, промените во расположението всушност можат да бидат првите знаци што откриваат дека во телото се развиваат сериозни болести.
1. Очај: Срцеви заболувања
Чувството како сè да пропаѓа може да биде знак на срцеви заболувања или на срцев удар. Овој симптом се јавува поради недостаток на кислород во мозокот. Жените треба да бидат особено внимателни затоа што се повеќе склони кон ова чувство кога ќе се развијат срцеви заболувања или кога се изложени на ризик од срцев удар.
2. Депресија: Паркинсонова болест
Штетата што ја предизвикува допаминот предизвикувајќи промени во расположението кај луѓето со Паркинсонова болест предизвикува депресија. Депресијата може да се појави во која било фаза на болеста, дури и пред дијагнозата. Многумина доживуваат депресија многу години пред да се појават проблеми со моториката што инаку се поврзани со оваа дегенеративна болест.
3. Промени во расположението: Паркинсонова болест
Ова е уште еден знак на Паркинсонова болест. Ова се должи на недостатокот на допамин, невротрансмитер кој е одговорен за доброто расположение. Кога мозочните клетки кои произведуваат допамин умираат, ефектот се гледа и во расположението и во движењата на пациентот. Во случај на Паркинсонова болест, промените во расположението се симптом, а не реакција на дијагнозата.
4. Анксиозност: Менопауза
Кога средновечните жени почнуваат да чувствуваат вознемиреност, тоа веројатно значи дека се приближува менопаузата, иако тие сè уште имаат редовни циклуси. Оваа вознемиреност е предизвикана од промените во нивото на хормоните, особено естрогенот и прогестеронот.
5. Дезориентација: Белодробни заболувања
Луѓето со хронични белодробни заболувања имаат зголемен ризик од конфузија и дезориентација. На пример, кога едно лице кое има хронична опструктивна белодробна болест добива пневмонија, има намалување на кислородот во крвта, што предизвикува конфузија.
6. Апатија: Алцхајмерова болест
Апатијата или губењето на мотивацијата е најчестата промена во однесувањето кај луѓето со Алцхајмерова болест. Овој симптом се појавува заедно со когнитивните симптоми и е предизвикан од истите невролошки проблеми.
7. Раздразливост: Хантингтонова болест
Според студијата објавена во 2012 година во списанието „Psychiatry Research“, раздразливоста е чест симптом на Хантингтоновата болест. Оваа дегенеративна болест предизвикува влошување и смрт на клетките во одредени делови на мозокот. Особено е погодено каудатното јадро и тоа е причината зошто пациентот ја губи контролата врз емоциите.
8. Раздразливост: Дијабетес
Раздразливоста се јавува како резултат на промените во нивото на шеќер што предизвикуваат дијабетес.
9. Екстремна среќа или тага: Биполарно растројство
Биполарното растројство се манифестира преку екстремни промени во расположението. Овие пациенти имаат дисбаланс на неколку невротрансмитери поради што нивното расположение драстично варира.
10. Краток фитил: Хипотироидизам
Недоволно активната тироидна жлезда може одеднаш да предизвика недостаток на трпеливост, предизвикувајќи раздразливост и експлодирање.
11. Нервоза: Хипертироидизам
Тироидните хормони Т3 и Т4 го стимулираат нервниот систем. Ако тироидната жлезда лачи премногу од овие хормони, нервниот систем станува преоптоварен. Затоа многу луѓе со хипертироидизам се чувствуваат нервозни, вознемирени и понекогаш имаат проблем со концентрацијата.
12. Еуфорија: Мултиплекс склероза
Иако симптомите како тага, страв, вознемиреност и депресија се многу почести, може да се појави и чувство на еуфорија. Оваа емоција се јавува поради когнитивните проблеми што ги предизвикува болеста, а пациентите стануваат неверојатно среќни и целосно забораваат на проблемите.
Погледнете кои рани симптоми може да ви помогнат во откривањето на 10 сериозни болести.
