Претходно
11 интересни и уникатни работи што треба да ги направите ова лето
Сите долго сонувавме за летото, а сега конечно е овде. Подготвени сме за сончеви денови и топли летни ноќи. Летото е период кога треба да размислите за вас и да го направите секој момент значаен. Наместо само да гледате како другите уживаат во летото, можете и вие да си испланирате некои уникатни активности. Секогаш постои начин да го извлечете најдоброто од летото, а овие предлози ќе ви помогнат во тоа.
1. Дигитална детоксикација
Додека сите ги објавуваат нивните последни фотографии од плажа, зошто да не одвоите време да се исклучите од Интернет? Предизвикајте се на дигитална детоксикација за еден викенд. На почетокот можеби ќе ви биде тешко, особено ако сте голем фан на социјалните мрежи, но подоцна ќе си бидете благодарни за одлуката.
2. Печатени фотографии
Поминете го викендот правејќи фотографии од омилените моменти со луѓето коишто ги сакате. Потоа упатете се до најблиското фото студио и испечатете ги фотографиите. Закачете ги во вашата соба, или поделете ги копиите со пријателите. Нема ништо како опипливо сеќавање.
3. Музички концерти на отворено
Во текот на летото без проблем ќе најдете музички концерти на отворено. Замислете да ја пеете вашата омилена песна додека го чувствувате сонцето на вашата кожа.
4. Маратон за добротворни цели
Истрчајте маратон за некоја добротворна цел. Ова ќе биде огромно физичко и ментално достигнување за кое секогаш ќе се гордеете.
5. Организирајте ручек
Наместо да одите во некој скап ресторан на ручек, испланирајте си ваш. Соберете ги пријателките и направете коктели. Секој нека си направи свој оброк, па ќе имате навистина голем избор.
6. Посетете забавен парк
Најдете го најблискиот забавен парк и одете на адреналинска авантура. Забавните паркови никогаш не се здодевни.
7. Организирајте дегустација на вино
Дали некогаш сте помислиле на слепа дегустација на вино со пријателките? Секоја од вас нека купи разно вино, нека ја покрие етикетата, и потоа погодувајте за кои вина станува збор според нивниот вкус.
8. Направете летна плејлиста
Искрено, секој си има омилени песни што ги слуша одново и одново. Па ова лето одвојте време за да пронајдете нова музика и направете си плејлиста со песни кои не сте ги слушале претходно.
9. Одете на пазар
Зошто да не го посетите локалниот пазар ова лето? Ќе најдете многу свежа храна која ќе ви помогне да ги подобрите вештините во кујната.
10. Организирајте лов по скриено богатство во друг град
Секој сака добри загатки. Па, ослободете се од рецензиите и водичите и истражувајте ги новите места како лов по богатство. Ќе откриете нешта што другите често ги испуштаат, а истовремено ќе се предизвикате. Ова е одличен начин да се поврзете со семејството и пријателите.
11. Разбудете се за изгрејсонцето
Кога последен пат сте се разбудиле доволно рано за да го гледате изгрејсонцето? Предизвикајте се ова лето да го направите тоа и пронајдете го најдоброто место за набљудување. Можеби ќе жртвувате неколку часови сон, но навистина ќе вреди.
Пробајте ги и овие предлози за летни авантури.
