Претходно
10 најчести грешки што ги правите додека сте на диета
Нутриционистот Никола Вајтхед ни открива каде ги правиме наголемите грешки кога се обидуваме да слабееме, и тоа не само во врска со исхраната, туку и кога е во прашање вежбањето. Ова се 10-те најчести заблуди во кои веруваме и грешки кои поголемиот дел од нас упорно ги прават.
1. Храна со ознаки „содржи малку масти“ и „диетално“
Не дозволувајте да ве прелажат маркетиншките триковите – „здравиот“ бисквит и понатаму е бисквит, и во него најверојатно има исто толку калории и шеќери како во стандардната верзија (а особено ако изедете неколку). Секогаш читајте ги состојките пред купување и сетете се дека и салатата е здрава, но не и ако доаѓа со крем или слатки преливи, бидејќи тогаш може да има поголем број калории и од еден хамбургер. Фокусирајте се на непреработената храна, а доколку веќе купувате спакувани производи задолжително прочитајте ги информациите за хранливите вредности.
2. Избирање кардио вежби и избегнување тегови
Студиите покажуваат дека дигањето тегови е една од најефективните вежби за добивање мускулна маса и забрзување на метаболизмот. Покрај тоа, ја зајакнува целокупната градба на телото и го олеснува губењето на масните наслаги, особено во стомачниот појас.
3. 1 час трчање на лента, наместо 15-минутен интензивен тренинг
Многу луѓе сметаат дека едноставното развлекување на времето поминато на лента е добар начин за да се изгубат килограмите. Тоа не секогаш е вистина. Алтернативна опција е тренинг со висок интензитет, таканаречениот „HIIT“ тренинг. Се вежба со низок или среден интензитет, со надополнување на неколку интервални вежби со висок интензитет, понекогаш и со цела сила. Се смета дека таквото вежбање е временски поефикасно, а истражувањата покажуваат и дека така се доаѓа до побрзи промени во метаболизмот и намалување на телесната маснотија.
4. Недоволен сон
Ако не спиете доволно, без разлика дали станува збор за квалитет или квантитет на сонот, тешко ќе издржите на полето на вежбање и зафркава исхрана. Истражувањата покажуваат дека личностите кои спијат помалку од 6 часа во текот на ноќта наредниот ден внесуваат повеќе калории од оние кои спиеле од 7 до 8 часа.
5. Поставување нереални цели
Ова често води до разочарување. Наместо да се надевате дека повторно ќе го облечете фустанот што ви стои 10 години во гардероберот, поставете си цели кои ќе можете да ги постигнете. За да издржите на патот кон главната цел, поставете си мини цели кои ќе можете да ги постигнете за месец дена. Сетете се дека сте на патот кон подобрување на квалитетот на вашиот живот и преземање контрола над својата тежина. Не барајте совршеност!
6. Фокусирање на губење тежина наместо губење масни наслаги
Кога некој ќе каже дека сака да изгуби килограми, најчесто мисли на губењето масни наслаги. Мускулната маса е погуста отколку салото — гледано од грам за грам зазема помалку место, што значи дека во текот на „отпорниот“ тренинг вашата тежина може да остане иста. Задолжително фотографирајте го вашиот процес на губење килограми, но и често мерете се, бидејќи можете да слабеете без оглед на тоа што броевите на вагата не се менуваат.
7. Не внесувате доволно течности
Хидрирањето е доста важно кај губењето телесни маснотии, бидејќи водата ви помага да ги почувствувате знаците на вистинската глад. Водата помага и при спречување на главоболките и го одржува телесниот часовник, а тоа ви помага да се чувствувате подобро и при вежбањето. Вашата урина треба да биде со боја на бледо сено доколку сте оптимално хидрирани.
8. Премногу често се мерите
Многу лесно можете да станете опседнати со пречестото мерење на вагата, но факт е дека можете да задржите и одредена количина тежина во стомакот и цревата, што значи дека на крајот од денот ќе тежите повеќе отколку на почетокот. Ќе бидете потешки и доколку скоро не сте го посетиле тоалетот. Не дозволувајте дневните варијации на тежината да ви ја уништуваат желбата за вежбање. Фокусирајте се на неделното мерење и тоа само наутро, пред што било да изедете или испиете.
9. Јадете премалку
Нашето тело не сака да гладува и доколку не внесувате доволно калории тоа може да започне да забавува со варењето на храната, за да ја сочува енергијата. Ако јадете премалку можете да се чувствувате безволно и да се откажете од вежбањето, што е лошо за вашето обидување да изгубите килограми. Обидете се да изедете што е можно повеќе калории додека чекорите кон својата цел, бидејќи таа количина секогаш може да се намали кога губењето на килограми ќе почне да забавува.
10. Не внесувате доволно протеини
На нашите тела им се потребни протеини на дневна база и доколку не ги внесуваме доволно нашата мускулна маса може да ослаби, особено ако сте во фаза на губење килограми. За да го зголемите губењето масни наслаги, а да го намалите губењето мускулна маса на минимум, задолжително јадете соодветна количина протеини – најмалку 0,8 грама за килограм телесна маса, или повеќе доколку вежбате.
