Претходно
10 љубовни закони што владеат во сите врски
Секоја љубовна врска со текот на времето се менува. Колку повеќе љубовниот пар е заедно, толку повеќе промени ќе доживеат. Неки од тие промени ќе бидат убави и забавни, некои страшни и вознемирувачки. Но, ако се проучат подобро, веднаш е јасно дека станува збор за нови фази од љубовната врска. Ви откриваме десет љубовни закони кои ниту еден пар не може да ги избегне.
1. Довербата е лесно кршлива
Темелот на секоја љубовна врска е довербата, и таа понекогаш изгледа доста цврста. Но, тоа е опасно чувство, бидејќи таа е многу нежна и кршлива, па затоа секогаш треба да се обидувате да ја зајакнувате доверба кај својот партнер, без разлика колку силна ви изгледа.
2. Понекогаш ќе ви биде досадно заедно
Невозможно е да очекувате партнерите да ги извршуваат сите обврски заедно и цело време да уживаат во тоа. Досадните моменти се неизбежни, и тоа е сосема во ред. Нема потреба за поставување недостижни цели.
3. Нема секогаш да се согласувате
Исто така, апсолутното согласување во текот на донесувањето на секоја одлука нема да се случи. Важно е да пронајдете компромис и да не се расправате.
4. Бракот и децата се голем предизвик
Некои парови мислат дека бракот или децата ќе им ја зацврстат нивната врска, но не би требало да размислуваат на тој начин. Всушност, бракот и децата може да бидат голем предизвик, па затоа е важно да се донесе таа одлука од исправни причини.
5. Нема секогаш да си бидете привлечни еден на друг
Почетокот на секоја врска е страстен. Но, таа страст со тек на време се смирува и вашиот љубовен живот станува посмирен. Тоа понекогаш знае да биде проблем, но не треба да очајувате, бидејќи со искрен разговор сè можете да решите.
6. Понекогаш ќе се чувствувате осамено
Одвреме-навреме личноста која е во врска или во брак ќе се чувствува осамено, како никој да не се грижи за неа и како никој да не ја разбира. Не треба да се грижите, бидејќи секоја личност понекогаш се чувствува на овој начин.
7. Ќе имате чудни мисли
„Треба ли да се разделиме?“ или „Можам ли да бидам посреќен/посреќна со некој/а друг/а?“ се неизбежни прашања во секоја љубовна врска или брак, без разлика колку сте среќни. Но, тавите чудни мисли се тотално неважни.
8. Понекогаш ќе ја изгубите поврзаноста
Понекогаш чувствувате како душата и срцето да ви се поврзани со партнерот. Но, понекогаш изгледа дека таа поврзаност исчезнала. Таквите чувства се сосема нормални и немојте да им давате големо значење.
9. Ќе се повредите меѓусебно
Никој не може да нè повреди повеќе од личностите кои ги сакаме. Нивните зборови во текот на караницата може да ве „прободат во срцето“. Тогаш меѓусебно ќе се повредите, но најважно е да го воочите проблемот и да се обидете да го решите пред да биде предоцна.
10. Љубовта не може да преживее сама од себе
Не заборавајте, љубовта не е доволна за врската да преживее. Партнерите во неа мора да вложат време и труд, односно мора да има подеднакво залагање од двете страни.
Доколку сте заедно со вашиот партнер подолг временски период, тогаш сигурни сме дека ќе ги разберете овие чудни нешта кои ги прават само паровите кои се во долга врска.
