Претходно
Зошто се смеете за време на сериозни моменти и како да го спречите тоа?
Смеата кога сте нервозни всушност не е смеа. Но, кога тоа навистина ќе се случи и се смеете за време на трауматичен настан или сериозен момент, почнувате да тонете во збунетост, срам и непријатност. За среќа, дури и ако тоа кикотење изгледа неконтролирано, постојат неколку начини да го спречите или барем да го сокриете.
Тоа е емотивна реакција
Ако се смеете за време на несоодветна ситуација, тоа не значи дека сте лоша личност. Всушност, тоа не е вистинска смеа бидејќи е само резултат на одбранбениот механизам на организмот, со цел да се намалат вознемиреноста, конфузијата, стресот и непријатноста што ги доживувате во тој момент.
На некој начин, смеењето го одвлекува вашето внимание од траумата и од болката ослободувајќи позитивни реакции. Исто така, ви помага да се борите против сите емоции што ги доживувате и кои може да ве направат ранливи или слаби.
1. Лижете ги или гризете ги усните
Обидете се да помислите на однесување со коешто можете да го замените смеењето. Во тоа може да ви помогнат лижењето на усните, климањето со главата, длабокото вдишување и издишување. Исто така, можете да ги гризете внатрешноста на образот или усните или да ја штипнете раката.
2. Притискајте пенкало
Смеата кога сте нервозни не се случува само за време на тажни ситуации, туку таа може да се појави дури и за време на сериозен момент на работа. Ова може да ги комплицира работите, а најдобриот начин да се обидете да го блокирате смеењето е да притискате на пенкалото.
3. Смејте се додека заминувате
Смеењето може да биде добар лек, но тоа не е соодветно пред луѓето што доживуваат тага. Поштедете се од непријатноста вртејќи се и смеејќи се додека си одите, обидувајќи се да ја сокриете смеата колку што е можно повеќе. Исто така, можете да се оправдате и да одите во тоалетот или да се однесувате како да сте заборавиле нешто во вашиот автомобил и да кажете дека треба да одите за да го земете.
4. Фокусирајте се на една боја во собата
Еден начин да се ослободите од смеењето е да го префрлите фокусот на нешто сосема друго. На пример, помислете на некоја боја и започнете да ја разгледувате собата за да ја пронајдете. Потоа, видете колку пати се појавува оваа боја. И покрај тоа што ова е мала цел, тоа ќе ги насочи вашите емоции кон нешто друго и можеби ќе можете да ја проголтате вашата смеа.
5. Пејте си песна
Може да биде која било песна, дури и азбуката. Рецитирањето на текстот на песната е практичен начин да ги оттргнете мислите од емоциите и да ја намалите желбата за смеа.
Освен пеењето, можете да се обидете да направите таблица за множење во вашата глава или да замислите дека правите пица. Помислете на секој чекор што што ви е потребен за да ја направите (на пример, месењето тесто или рендањето кашкавал). Целта е да го одвлечете фокусот од смеата.
6. Издишете со затворени усни
Техниките за дишење може да ви помогнат да го спречите изливот на смеа. Цврсто затворете ги усните и затворете ги ушите со прстите. Обидете се да издишете од устата и ќе почувствувате дека воздухот може да експлодира од усните. Нагонот за смеење може да исчезне додека чувствувате притисок врз устата.
Прочитајте како смеењето ги открива вистинските пријатели.
