Претходно
Животот во еден минијатурен свет
Датум: 08 јул 2011
Коментари: 0
Браќата близнаци Фредерик Браун и Герит Браун сакале да го вчудовидат и импресионираат светот, а сега може слободно да се каже дека тие дефинитивно си ја оствариле целта во целост. Тие ја изградиле најдолгата минијатурна железничка пруга во Европа.
За да го креираат ова чудо т.н „Miniatur Wunderland“, кое можете да го посетите во Хамбург, Германија, тие потрошиле 8 милиони евра, 700 кг вештачка трева, 4.000 тони челик и 558.000 часови напорна работа. Денес овој минијатурен свет на чудата се состои од седум тематски одвоени делови, сместени на површина од 1.000 метри квадратни: Шведска, Кнуфинген, Австрија, Харц, Хамбург, САД и Скандинавија.
Во овој свет, исто како и во реалниот, луѓето организираат концерти, слават празници, штрајкуваат, се случуваат сообраќајни незгоди, па дури и избувнуваат пожари, кога пожарникарите дотрчуваат за да го изгасат секое жарче во земјата-играчка. Возовите и автомобилите се движат како да се вистински. Се менуваат и годишните времиња. Бродови контролирани со радио, си пловат во водата, која е вистинска.
Секогаш нешто се случува, токму како што е во реалниот живот, а целиот овој свет е контролиран од 40 компјутери. Овој чудесен минијатурен свет е фантастичен пример за тоа како едно хоби се претворило во добар бизнис. Група ентузијасти работеле на оваа паралелна реалност уште од 2000 година, а денес сите имаме прилика да ги видиме резултатите од нивниот труд.
Се сеќавате на најголемиот минијатурен аеродром во светот? Тој е „масло“ на истиве браќа и претставува составен дел од „Miniatur Wunderland“.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
