Претходно
Запознајте го Хантер, кучето што црта апстрактни ремек-дела
Хантер е куче од видот Шиба ину и црта апстрактни слики. Благодарение на неговите дела, тој има илјадници следбеници на социјалните мрежи. Ова 5-годишно куче живее во Алберта, Канада со Кени Ау и неговата сопруга Дениз Лу.
„Нашата куќа имаше голем ѕид што сакавме да го насликаме. Пробавме неколку нешта, но ништо не ни се допаѓаше. Бидејќи Хантер е важен дел од нашите животи, си помисливме дека би било добро ако нацрта нешто за нас. Се обидовме да го научиме да ја држи четката и потоа да ја доближи до лист хартија. Кога додадовме боја, резултатот беше изненадувачки.“
Како што Хантер продолжувал да ја покажува неговата креативност, парот решил да му отвори Инстаграм профил, а по некое време и да ги продава неговите дела. Денес неговите слики чинат околу 35 евра.
Парот вели дека ќе продолжат со ова сè додека кучето е заинтересирано за цртање. Доколку му стане здодевно, ќе престанат. Според нив, Хантер ги гледа како пријатели, а не како негови сопственици.
„Имаше многу енергија и изгледа најсреќен кога му даваме физички и ментални вежби, па го научивме на што е можно повеќе трикови. Може да си ги собира играчките, да ни го подава влечките и слично. Дефинитивно тој е најпаметното куче што сме го имале, но има силен карактер па ако не сака да прави нешто ни кажува.“
Продолжува на следната страница…
