Претходно
Возбудливиот свет на Ферари во Абу Даби
Датум: 14 мар 2012
Коментари: 0
Автор: Петар Тодоровски
Прекрасниот забавен парк „Светот на Ферари“ е начинот на кој што богатите шеици од Обединетите Арапски Емирати го изразија своето воодушевување од познатиот автомобилски бренд и нивната трофејна историја во Формула 1. Тие дел од пустината ја претворија во возбудлив забавен парк во којшто посетителите можат да ја реализираат страста кон автомобилизмот преку бројните атракции сместени под препознатливиот покрив со логото на Ферари. Забавниот парк се наоѓа на површина од 200.000 метри квадратни на островот Јас Ајленд во Абу Даби.
За нешто помалку од 50 евра посетителите добиваат дневна влезница со која можат да користат која било од големиот број луди возења, кино сали, примероци од старите модели на Ферари и многу други работи.
Атракциите варираат од симулација на Ф1 трка за деца и 3Д шоу кое детално го прикажува животот на еден Ф1 инженер, па сè до „Formula Rossa“ – најбрзата луда железница во светот која достигнува брзина од 240 км/ч, возење на вистински Ф1 симулатор, реконструкција на Формула 1 трките гледано од боксот на механичарите, како и возење низ живописните предели на Италија со вистински Ферари 250 Калифорнија Спајдер.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
