Претходно
Тест: Во која животна фаза се наоѓате во моментов?
Внимателно погледнете ги овие карти и изберете ја онаа која најмногу ви се допаѓа. Картата што ќе ја изберете ќе ви открие во која фаза од животот се наоѓате и какви промени ве очекуваат во блиска иднина.
Карта бр. 1
Се наоѓате во онаа фаза од животот кога сте во потрага по мир и слобода. Ви треба одмор бидејќи сигурно сте биле под голем стрес во последно време. Освен тоа, неопходно е да одвоите време и за вашите интереси. Направете нешто што ќе ве усреќи. Тоа ќе ви даде и доволно енергија за да постигнете нови успеси во животот.
Карта бр. 2
Ако ја избравте оваа карта тоа значи дека моментално сте прилично оптимистички настроени за вашата иднина. Освен тоа, светот околу вас знае која е вашата желба и сака да ви помогне. Така, оваа карта е знак за среќа и укажува на фактот дека наскоро ве очекува позитивен пресврт на нештата. Затоа, не плашете се да започнете со работа во која било област бидејќи успехот ви е загарантиран.
Карта бр. 3
Оваа карта укажува дека се стремите кон хармонија. Имате реален пристап кон работите, а тоа ви помага соодветно да ја процените ситуацијата. Така, ги доживувате луѓето онакви какви што се, со сите нивни силни и слаби страни. Сфаќате дека секој има свои проблеми иако повеќето претпочитаат да не ги покажат. Луцидниот став кон нештата ќе ви помогне и да остварите нови познанства кои ќе бидат корисни за вашите деловни цели.
Карта бр. 4
Научивте да ја слушате вашата интуиција, па затоа добро би било да ја користите во сите аспекти од вашиот живот. Не заборавајте дека таа ќе ве однесе побрзо до успехот. Доколку едноставно не можете да влијаете врз текот на одредени настани, прифатете го тоа и продолжете понатаму. Меѓу другото, во наредните денови ве очекуваат важни промени кои ќе ги одговорат сите ваши прашања.
Карта бр. 5
Оваа карта вели дека сега е одлично време да се опуштите и да почнете да уживате во животот. Можеби во последно време се чувствувавте немирно и фрустрирано, но запомнете дека животот е краток и затоа морате да научите да го цените. Не занемарувајте ја и вашата смисла за хумор бидејќи таа може да ви помогне во односите со семејството и пријателите.
Доколку се забавувавте со овој тест, можеби ќе сакате да направите и друг за да откриете што ве спречува да ги остварите вашите соништа.
Извор: atma.hr
