Тест: Начинот на кој реагирате во ненадејни ситуации открива каков став заземате при кавга

Не може сè во животот да се предвиди. Постојано нè погодуваат некакви изненадувања, итни случаи и непредвидени катастрофи, не давајќи ни шанса барем психички да се подготвиме. Изненадувањата од кој било вид може да бидат стресни – како понудата за брак, така и неочекуваното раскинување. Има премногу такви работи кои не можеме да ги предвидиме и контролираме. Тоа е една од причините поради кои сите ние имаме развиено навики и техники да се носиме со нив.

Овој тест ќе ви овозможи да се сместите во една од четирите категории луѓе според начинот на кој реагирате на една неочекувана, но сепак секојдневна ситуација, а потоа според тоа и да одредите како пристапувате кога доаѓа до кавга помеѓу вас и некоја блиска личност.

Се шетате на улица, кога ненадејно почнува да врне. И да почнете да трчате како луди, сепак би ви требале најмалку 5 минути до најблиското одредиште. Што најдобро ја опишува вашата реакција во тој момент?

1. Би нашол/ла некоја стреа или дрво, би застанал/а тука и би почекал/а да престане да врне.
2. Бидејќи не знам колку долго ќе врне, би отрчал/а до местото каде што сум тргнал/а, брзо колку што ме држат нозете.
3. Би погледнал/а дали проаѓа некој со чадор кој би го споделил со мене или би отишол/ла до првата продавница за да купам.
4. Јас никогаш не излегувам без чадор од дома, би го извадил/а и би го отворил/а.

• Решение:

  Како реагиравте на ненадејниот порој? Дождот ги претставува непредвидливите и неконтролирачките сили во животот. Вашиот одговор открива како вообичаено реагирате кога ќе настане кавга меѓу вас и вашиот партнер или некој од пријателите.

  1. Би нашол/ла некоја стреа или дрво, би застанал/а тука и би почекал/а да престане да врне.

  Вие сте тип личност која чека другата страна во кавгата да се испразни и да се смири пред да преземете нешто за да ги испеглате односите. Склони сте да им дозволите да се изнавикаат додека им снема сила, а потоа вие настапувате и го изложувате целиот случај мирно и објективно. Некои овој пристап би го нарекле паметен, други пак би рекле дека е лукав.

  2. Бидејќи не знам колку долго ќе паѓа дожд, би отрчал/а до местото каде што сум тргнал/а, брзо колку што ме држат нозете.

  Не ви е многу важно каков ќе биде исходот на кавгата, многу повеќе ви е важно да го изнесете своето мислење. Вие сте сигурни дека сте во право, па нема потреба од понатамошни расправии. Тактиката на земање и давање кај вас не е присутна. Ако тој/таа почне да вика, вие почнувате да урлате. Сѐ на сè, не е забавно човек да влезе во кавга со вас. Од друга страна, лесно е да се дознае што мислите за одреден проблем.

  3. Би погледнал/а дали проаѓа некој со чадор кој би го споделил со мене или би отишол/ла до првата продавница за да купам.

  Не сакате кавги и спротивставување на мислењата, па се трудите да ги измазните односите и да го смирите противникот кога и да дојде до конфликт. За жал, тоа најчесто само ги влошува работите. Би било подобро да заземете цврст став и одвреме-навреме да ја издржите бурата.

  4. Јас никогаш не излегувам без чадор од дома, би го извадил/а и би го отворил/а.

  Мислите дека имате одговор во секоја ситуација, оправдување за секоја грешка. За вас кавгата е само прилика да ги вежбате своите ораторски способности, но на другите може да им делувате опасни, фрустрирани и неискрени. Секако, вие и за ова имате добро образложение.

Денес ви споделуваме рец

Денес ви споделуваме рец

Погледнете ги овие невер

Денес ви споделуваме рец

Следете нѐ на Инстаграм