Претходно
Тест на личноста: Што барате од љубовта и кој холивудски убавец ви е суден?
Дали преферирате црвени ружи или чоколаден колач? Дали повеќе ве привлекуваат слатки и срамежливи момци или неодоливи лоши момци? Епа ајде, направете го овој интересен тест на личноста и откријте со кој холивудски фраер најдобро би се согласувале. Опуштете се и забавувајте се…
1. Совршен состанок за Денот на вљубените е:
а) романтична вечера за двајца покрај светлината од свеќи
б) експериментирање во спалната соба со секси играчки
в) ноќ на модерна поезија во новиот хипстерски клуб
г) кауч, пица и гледање криминалистички ТВ серии
д) африканско сафари изненадување
2. Мојот омилен десерт е:
а) торта од јагоди со шлаг пена
б) чоколаден мус со чили и егзотичен бибер
в) неколку коцки темно чоколадо со висок процент какао
г) пудинг од ванила
д) сладолед од пиво
3. Кај мажите најмногу ме привлекува:
а) широки рамена
б) колекција кравати
в) интелигенција
г) очи
д) задникот во кожни пантолони
4. Најубавата љубовна песна според мене е:
а) I Will Always Love You – Витни Хјустон
б) Every Breath you take – Police
в) At Last – Ета Џејмс
г) Love Is Your Name – Стивен Тајлер
д) Sweet Dreams – Eurythmics
5. Љубовта е…
а) најмоќната сила која го движи светот
б) емотивна манифестација на физичките желби
в) енергија која дава крилја, но и која ги потсекува
г) неизбежен зачин на животот
д) непресушен извор на креативна инспирација
6. На почетокот од нова љубов би наздравиле со:
а) чаша шампањ
б) 50-годишно виски од шкотска дестилерија
в) минерална вода
г) ладно пиво
д) банџи скок од мост
7. Совршен подарок за Денот на вљубените е:
а) букет црвени ружи
б) пар лисици
в) претплата за научно списание
г) карти за кино
д) авторска песна отпеана со гитара под прозор
Резултати:
Ако имате најмногу одговори под А – Вие сте кралица на романсата и непоправлива класичарка. Обожавате кога мажот ви се приближува преку долготрајно додворување, ви отвора врата, а на состанокот носи цвеќиња. Од мажите барате љубов и почит, но пред сè личност која ќе ве заштитува. Вам ви е суден филмскиот Тор и најсекси мажот во денешно време – Крис Хемсворт.
Ако имате најмногу одговори под Б – Вие сте кралица на авантурите и ризикот е вашето средно име! Сакате да експериментирате, како во кујната, така и во спалната соба. Никогаш не играте на сигурно, а најмногу ве возбудуваат предизвиците во кои мора да се снајдете на лице место. Вам ви е суден недопирливиот Кристијан Греј, односно британскиот актер Џејми Дорнан.
Ако имате најмногу одговори под В – Вие сте кралица на постојаноста. За вас најсекси маж е она момче кое не е свесно за својата привлечност. Тој е малку срамежлив, бескрајно интелигентен и многу духовит. Вие уживате во квалитетниот и здрав живот, па затоа и родени сте да бидете покрај слаткиот Ноа, односно добриот Рајан Гослинг.
Ако имате најмногу одговори под Г – Вие сте кралица на разумноста и умереноста. Вам ве привлекуваат симпатични и добри момци со кои можете да ги споделите своите интереси и да ги одведете кај вашите родители на ручек. Во него гледате личност покрај кој би сакале да остарите. За вас совршен лик е Пет, односно златниот актер Бредли Купер.
Ако имате најмногу одговори под Д – Вие сте кралица на неконвенционалноста и сакате во целост да уживате во животот. За вас непредвидливоста е највредна, па затоа и ве привлекуваат момци кои се подготвени за вас да отпатуваат до крајот на светот, како и да уживаат во необичните нешта и активности. Кој е подобар за тоа ако не капетанот Џек и забавниот Џони Деп?
