Претходно
ТЕСТ: Изберете кристал и откријте ја вашата љубовна порака
Изберете еден од кристалите на сликата, а потоа прочитајте го советот што ви е најпотребен во моментот.
Срце број 1 – рутилен кварц
Овој камен ви носи две нешта. Првото е самодоверба и свест за тоа дека имате моќ да ги излечите сопствените љубовни рани, но и да ги препознаете проблемите што сте ги потиснале длабоко во себе.
Ова светло срце ви носи и порака за храброст при што ве уверува дека сте достојни да бидете сакани. Доколку имате потешкотии во љубовта, оваа порака не претставува само надеж туку и сила. Дури и ако имате доволно среќа да бидете во здрава љубовна врска, пораката што ви ја дарува овој камен е да продолжите да ги туркате работите напред па така ќе стигнете на следното ниво.
Срце број 2 – лапис лазули
Вие сте интуитивна личност. Овој кристал ви носи порака за сила и магија. Дали сте секогаш подготвени да им угодувате на другите? Веќе ги имате сите одговори. Вашиот карактер се одликува со поголема свест од другите. Тоа може и да ви предизвика проблеми во животот, особено во љубовниот.
Можно е да сте привлекувале партнери на кои им била потребна помош. Сега е време да стоите цврсто на нозе свесни за својата моќ и да бидете она што сте. Синхронизирајте се со вашите природни психички способности.
Овој свет камен ве уверува дека можете да ја имате љубовта од вашите соништа сè додека не ја занемарувате сопствената интуиција.
Срце број 3 – тигрово око
Тигровото око е заштитнички камен – ви ја пренесува пораката дека сте заштитени. Дали сметате дека ви е потребна заштита во вашиот љубовен живот? Дали вашата сакана личност некогаш ве повредила? Дали ги поставувате вистинските прашања кога ќе се сретнете со потенцијалниот партнер и ги слушате одговорите?
Тигровото око се користи за да се потисне негативната енергија и ве охрабрува да преземете акција. Време е да дејствувате, да направите баланс помеѓу позитивното и негативното и да видите во која насока ќе се одвива вашиот љубовен живот. Универзумот сака да бидете среќни, слободни и безбедни. Време е да ги отстраните сите несакани нешта. Вие сте доволно мотивирани да ги направите посакуваните промени.
Овој камен исто така може да значи дека ќе запознаете личност што ќе ве надополни, но исто така ви дава до знаење дека секое делче кое ви е потребно веќе се наоѓа во вас. Кога ќе станете свесни за тоа, сè ќе си дојде на своето место.
Срце број 4 – црвен јаспис
Дали можете да се изборите со последиците од старите рани? Иако се работи за ситуација што се случила пред многу години, пораката што ја носи ова срце е дека треба да ги оставите корените да растат.
Минатото нè обликува, но не смееме да дозволиме да ни одреди како ќе живееме, или пак да се повтори. Размислете за нештата во кои верувате. Дали се чувствувате сигурно и самоуверено?
Пораката што ја добивте вели дека сте силни и способни, дека сте воин на љубовта. Доволно цврсто стоите на земја за да се чувствувате безбедни. Оваа љубов дефинитивно ќе ве направи среќни.
Срце број 5 – жолт калцит
Довербата и самопочитта ја зголемуваат вашата способност да се отворите кон љубовта. Си дадовте време да поработите на себе и своите чувства и постигнавте голем напредок. Пораката на овој камен е поврзана со љубовта кон самите себе.
Кога се сакате самите себе, вие сте опкружени со љубов. Вложивте огромна енергија во процесот на лекување па затоа ќе бидете наградени. Сега можете да привлекувате луѓе кои ќе бидат на исто ниво како вашето.
Бидете сигурни во себе и само така ќе преминете на нов начин на битисување – ќе блеснете, а истовремено ќе го оставите минатото зад себе. Бидете свесни за сопствената вредност.
Срце број 6 – зелен авентурин
Пораката што ви ја носи овој камен е дека вашето срце е излечено. Подготвени сте за нови можности и возбудени. Ако веќе сте во врска, најверојатно ќе биде урамнотежена. Вие сте сигурни во својот пристап.
Можете да бидете исцелител или некој кому му се обраќаат за емоционална поддршка. Посветени сте и срцето е тоа што ве води напред.
Следната фаза се однесува на авантурата и истражувањето. Ако досега сте биле спречени поради обврски, сега сте слободни. Што ќе направите со својата слобода? Што претставува слободата за вас? Следува возбудливо време што може да донесе резултати и на други полиња.
Доколку се забавувавте со овој тест, ви препорачуваме да го направите и овој тест преку кој ќе ја дознаете вашата љубовна судбина.
