Претходно
Тест: Изберете карта и откријте која емотивна рана треба да ја излечите
Датум: 05 мај 2022
Коментари: 0
Дозволете интуицијата да ве води при изборот на една од овие три карти. Картата што ќе ја изберете ќе ви открие како да им ставите крај на вашите емотивни рани за да постигнете благосостојба во животот.
Карта бр. 1
Траумата која сте ја доживеале во минатото е главната пречка поради која не можете да ја пронајдете среќата во животот. Не можете да ги поднесете минатите разочарувања и наместо да ги лекувате, изградивте ѕид околу себе за да спречите ново разочарување. Проблемот е што овој ѕид не само што ги спречува лошите, туку ги оддалечува и добрите работи од вашиот живот. Не заборавајте дека ако некој ве повредил, не значи дека сите ќе го прават истото. Затоа, потребна ви е помош за надминување на оваа траума. Откажете се од вашиот одбранбен став и бидете поотворени кон она што ви го носи животот. Дајте им шанса на другите и можеби навистина ќе бидете изненадени.
Карта бр. 2
Вашата најголема рана е емоционалната нестабилност. Можеби се работи за нездрава емотивна врска со вашите родители која трае уште од детството и која остава траги врз вашите односи кон другите. Таквото искуство може навистина да го направи вашиот живот несреќен, затоа не дозволувајте да живеете со тие ограничувања засекогаш. Постојат добри луѓе кои ве сакаат на вистински начин. Затоа, неопходно е да побарате помош за да ги залечите раните од минатото и да научите како да живеете подобар и похармоничен живот со оние околу вас.
Карта бр. 3
Вината е вашата емотивна рана која ве кочи во животот. Можеби во текот на животот сте морале да се соочите со премногу барања и совети од најблиските. Можеби тие од вас барале многу работи: да имате добри оценки, да покажете некаков талент, да освојувате награди, да пронајдете добра работа, а тој притисок сè уште трае и го прави вашиот живот неподнослив. Запомнете дека не можете да бидете среќни доколку чувствувате дека секогаш нешто недостасува или дека нешто треба да се поправи. Треба да научите да се сакате себеси онакви какви што сте и да уживате во животот и покрај неуспесите.
Доколку се забавувавте со овој мал тест, можеби ќе сакате да направите и друг кој ќе ви открие дали вашата желба ќе се оствари набргу или не.
Извор: atma.hr
