Претходно
Тест: Изберете една од овие планини и откријте што се крие во вашата потсвест
Планините можат да симболизираат многу нешта во животот, почнувајќи од пречки за надминување па сè до предизвици и победи. Во овој тест на личноста изберете една од овие планини и дознајте што се крие во вашата потсвест. Не губете време анализирајќи ги сликите, туку брзо изберете ја онаа планина што најмногу ќе ви остави впечаток.
Планина бр.1
Вие сте самостојна личност. Сакате сами да си го градите патот низ животот и експериментирате со бесконечните можности кои се јавуваат како резултат на вашиот оптимизам. Го обожавате вашиот личен простор и не сакате судири со другите и затоа често ги одбегнувате. Не сакате кога некој ве брза, особено при носењето одлуки. Трпеливи сте кон другите благодарение на вашето внатрешно спокојство и луѓето го препознаваат тоа па затоа сакаат да бидат во ваша близина.
Планина бр. 2
По природа сте мирна и прибрана личност и ви се допаѓа идејата дека ви претстои мирен пат. Прагматични сте и не сакате да губите време така што ќе вложите повеќе напор во нешто отколку што навистина е потребно. Не сте особено амбициозни и честопати знаете да го изберете полесниот пат како излез од ситуациите. Доследна личност сте, а вашето присуство ги смирува луѓето околу вас.
Планина бр. 3
Благодарение на вашата екстровертност вие сте постојано опкружени со луѓе. Тие ве сакаат поради вашата смисла за хумор и добрина. Ви се допаѓа да живеете во моментот, да бидете свесни за сегашноста наместо везден да размислувате за иднината. Љубопитни сте по природа и постојано сакате да учите и да стекнувате нови знаења и искуства. Вие сте од оние кои го следат своето срце при носењето одлуки.
Планина бр. 4
Вие сте авантурист по природа и секогаш подготвени за нов предизвик. Возбудата и авантурите се оние од кои црпите енергија. Сакате да ги одбегнувате правилата и нивните ограничувања. Копнеете по слобода и спонтан тек на нештата, без однапред да си го планирате животот. Се обидувате максимално да го живеете животот со секој изминат ден. Нема нешто што може да ве спречи доколку сте наумиле да го направите тоа.
Планина бр. 5
Тивка личност сте по природа и претпочитате да го поминувате времето во задлабочено размислување. Не сакате гужви или прегласни места. Уживате во сопственото друштво и често сте сами. Осаменоста ви влијае позитивно и ви помага да се спознаете подобро себеси. Уживате во животот и станувате едно со него. Пред да одлучите нешто, ги оценувате вашите идни потези. Им се посветувате целосно на луѓето што ви значат, а врските со нив се вашата најголема радост и приоритет.
Планина бр. 6
Вие сте доволно смели да го изодите патот кој малкумина го одбрале. На тој начин сметате дека ќе ја пронајдете смислата на вашиот живот. Ја претпочитате самотијата наместо постојано да бидете опкружени со луѓе. Вие го сфаќате светот на начин кој повеќето би го сметале за неконвенционален, а тоа се одразува врз вашиот стил на живот. Вашата личност се карактеризира со креативност и иновативност.
Доколку се забавувавте со овој мал, забавен тест на личноста, ви препорачуваме да направите и друг тест со златни јајца кои имаат порака за вас.
Извор: understandingcompassion.com
