Претходно
Тажна приказна за една жена-дрво во Мадагаскар
„Baobab“ е кус анимиран филм кој ќе ви разбуричка по сетилата и ќе ви ја наежи кожата. Креација е на 5 студенти од универзитетот Supinfocom: Nicolas Loesner, Anaëlle Moreau, Marina Steck, Simon Taroni и Benjamin Tron, додека музиката е на Pierre Manchot.
Пред стотици години, во Мадагаскар живела една прекрасна жена-дрво баобаб. Таа била најубавото дрво во шумата, висока и грациозна креација, која ги гледа и одгледува сите жители на шумата. Нејзиниот заштитник, џиновскиот мајмун, е бестрашен и лојален. Тој попрво би умрел отколку да не успее да ја заштити жената-дрво. Но, еден ден доаѓаат луѓето…
Приказната е тажна, но чувствена и со поента, како што вели еден од креаторите „сакавме да ја подигнеме свеста помеѓу гледачите за моменталната состојба на нашата судбина“. Анимацијата и графиката се зашеметувачки. Изобилие од бои и добро обликувани карактери… Овој краток филм е одлично доживување.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
