Претходно
Тајната е во бројот: Откријте кој е идеалниот датум за вашата свадба
Според нумерологијата, броевите и животот имаат нераскинлива врска. Секој има свој личен број што може да открие многу за вашиот карактер и за иднината, но исто така може да ви помогне да го изберете вистинскиот датум за одреден важен настан бидејќи тој број влијае и врз вас.
Ако сакате да откриете кој е најсреќниот ден за вашата свадба, треба да ги соберете вашиот личен број и личниот број на партнерот.
На пример, ако вашиот личен број е 5, а личниот број на вашиот партнер е 3, вашиот збир изнесува 8. Не заборавајте дека двоцифрeниот број треба да го сведете на едноцифрен број. На пример, 7 + 4 = 11, 1 + 1 = 2.
Сега додадете ги цифрите од датумот што сте го посакале за вашата свадба и додајте ги во збирот на вашите лични броеви.
На пример, збирот на личните броеви е 8, а вие сакате да стапите во брак на 12 август 2020 година.
1 + 2 + 0 + 8 + 2-0 + 2 + 0 = 15
1 + 5 = 6
6 + 8 = 14
1 + 4 = 5
Вашиот брачен број е 5. Откријте подолу кои датуми или денови во месецот се идеални за свадба врз основа на брачниот број.
Брачен број 1 – идеални денови се 1-виот, 10-тиот, 19-тиот и 28-миот ден во месецот.
Брачен број 2 – идеални денови се 1-ви, 7-ми и 17-ти, а ако не се достапни, следните најсреќни датуми се 2-ри, 20-ти, 29-ти.
Брачен број 3 – идеални денови се 3-ти, 9-ти, 12-ти, 30-ти.
Брачен број 4 – идеални датуми се оние чиј збир изнесува 1 или 7, а потоа 13-тиот и 22-риот ден во месецот. Луѓето со брачен број 4 никогаш не треба да изберат ден чиј збир е 4, затоа што тоа не им носи среќа и е знак на сиромаштија.
Брачен број 5 – идеални датуми се оние чиј збир е 9. Следните среќни датуми се 14-ти или 23-ти, а дефинитивно треба да го избегнувате петтиот ден во месецот или датумот чиј збир изнесува 5. Имено, комбинациите од две петки симболизираат развод и неверство.
Брачен број 6 – идеални денови во месецот се 6-ти, 15-ти и 24-ти и сите датуми чиј збир е 6 или 9.
Брачен број 7 – идеални датуми се оние чиј збир изнесува 1 или 3, а најдобрите денови во месецот се 7-ми, 16-ти и 25-ти.
Брачен број 8 – 8-миот, 17-тиот и 26-тиот ден во месецот и сите датуми чиј збор изнесува 1.
Брачен број 9 – најсреќниот ден во месецот за свадба е 9-ти и сите датуми чиј збир изнесува 9. Следните најсреќни денови се 18-ти и 27-ми и сите датуми чиј збир е 3 или 6.
Погледнете кои 9 научно докажани знаци откриваат дека вашиот брак ќе трае засекогаш.
